Türkiyə-Azərbaycan Dostluq, Əməkdaşlıq və Həmrəylik Fondunun prezidenti olan professor Aygün Attar Tovuz rayonunun Azərbaycan, Gürcüstan və Ermənistan üçbucağında yerləşən, kritik yolların keçdiyi mühüm bir bölgə olduğunu vurğulayaraq deyib: “Bu regiona hücum eləmək Ermənistanın gücünə görə deyil. Mənzərəyə başqa cür baxmaq lazımdır”.
Ermənistanın Azərbaycana qarşı təxribatı ilə bağlı mühüm açıqlamalar vermiş Aygün Attar Ermənistanın Tovuz bölgəsindəki yeganə hədəfinin Azərbaycan olmadığını bildirib. O, Cənubi Qafqaz vasitəsilə Türkiyənin sıxışdırılmaq planının varlığını, siyasi və iqtisadi problemlər içərisində olan Ermənistanın təkbaşına belə bir hücum etməyəcəyini bildirərək pərdə arxasındakı aktyorları diqqətə çatdırıb.
Türkiyədə dərc edilən “Yeni Şafak” qəzetinin yazdığına görə, Aygün Attar  son illərdə başda Yaxın Şərq olmaqla, Liviyada və sərhəddən xaricdə apardığı əməliyyatları diqqətə çatdırıb.
“Son dövrdə Türkiyənin Şərqi Aralıq dənizində apardığı uğurlu əməliyyatların və siyasətin kimləri narahat elədiyinə baxmaq lazımdır. Türkiyə Liviyada qurulmuş və demək olar, bitmiş hesab edilən oyunu pozub. Bugünkü hadisələrə bu bucaqdan baxmaq lazımdır”.
Türkiyənin Yaxın Şərq və Şərqi Aralıq dənizindəki qondarma hakim qüvvələrin oyununu pozması ilə Ermənistanın Azərbaycanın Tovuz rayonuna hücum eləməsinin əlaqədar olduğunu bildirən bildirən Attar deyib: “Ermənistanın iqtisadi böhran içərisində olduğu bir zamanda, Kovid-19 dövründəki çətin vəziyyəti göz önündə ikən, sərhədlərimizi pozaraq, vətəndaşlarımızın yaşadığı evlərin, əkin sahələrinin olduğu yerləri hədəfə alması Cənubi Qafqaza qarşı həyata keçirilən planı da meydana çıxarmaqdadır. Sadəcə Yaxın Şərq və Şərqi Aralıq dənizi yox, Cənubu Qafqaza qarşı plan və proqram quranların uzaqda olan, lakin döyüşləri yaxından izləyən və buna zəmin hazırlayan dövlətlərin varlığını da görməyə bilmərik”.
Hurriyyet.org