" 'Gürcü Arzusu' getdikcə əvvəlki hökumətə bənzəyir. Gürcüstan daha yaxşısına layiqdir”.
Sozcu.info Gürcüstan mətbuatına istinadən xəbər verir ki bu sözlərlə Avropa Parlamentinin deputatı Viola Von Kramon Gürcüstan Penitensiar Xidmətinin eks-prezident Mixail Saakaşvili ilə bağlı yaydığı video görüntülərə münasibət bildirib.
Avroparlamentari yayılmış video görüntülərin təəssüf doğururduğunu qeyd edib və Saakaşvilinin işi getdikcə daha çox siyasi xarakter alır deyib.“Gürcüstanda həbsxanada eks-prezident Saakaşviliyə qarşı edilən pis rəftardan şokdayam. Bu videoların Gürcüstan hökuməti tərəfindən yayılması acınacaqlıdır. İş getdikcə siyasiləşir və 'Gürcü Arzusu' getdikcə əvvəlki hakimiyyətə bənzəyir. Gürcüstan daha yaxşısına layiqdir", - Kramon özünün rəsmi "Twitter" səhifəsində qeyd edib.
Avropa Parlamentinin üzvü Saakaşvili ilə bağlı sosial şəbəkədə növbəti paylaşımında isə qeyd edib:
"Saakaşvili aclıq aksiyasını dərhal dayandırmalı, lazımi tibbi yardım almalı və özünün siyasiləşmiş məhkəmə prosesində iştirak etməsinə icazə verilməlidir. Gürcüstan bu qarışıqlığın öhdəsindən gəlməli və Rusiyanın işğalı, yoxsulluq və demokratiyanın tərsinə çevrilməsi kimi real problemləri həll etməyə başlamalıdır".
Məlumat üçün bildirək ki, 11 noyabr tarixində Gürcüstan Penitensiar Xidməti Saakaşvili ilə bağlı ardıcıl iki video paylaşıb. İlk video da eks-prezidentin 12 saylı Rustavi həbsxanasından 18 saylı Qldani cəzaçəkmə müəssisəsinin xəstəxanasına yerləşdirilməsi, növbəti video da isə onun təcili yardım maşını ilə zorla sözügedən xəstəxanaya aparmaq istədikləri görülüb.