Biz hökumətə bazar ertəsi saat 18:00-a qədər vaxt verəcəyik ki, Mişanın xaricə müalicəyə göndərilməsini təmin etsin - bu tələblər yerinə yetirilməsə, daimi aksiyalar, sonra isə böyük aksiya elan edəcəyik". Bu sözləri Gürcüstanın keçmiş prezidenti Mixailin qardaşı David Saakaşvili Rustavi həbsxanasında jurnalistlərə deyib.
Onun sözlərinə görə, Mixail Saakaşvilinin səhhətinin vəziyyəti ilə bağlı yaradılan həkim şurasının rəyi onun vəziyyətinin ağır olduğunu göstərir.
David Saakaşvili ictimaiyyətə və siyasi partiyalara müraciət edib ki, keçmiş prezidentin xaricə köçürülməsi üçün ailəyə kömək etsinlər.
Qardaş Mixail Saakaşvilinin sözlərinə görə, hökumətə verilən müddət bitdikdən sonra bu tələb yerinə yetirilməsə, ailə keçmiş prezidentə normal həyata qayıtmaq imkanı verilməsi üçün davamlı aksiyalara başlamağı planlaşdırır.
“Bütün ailə adından deyirəm ki, hökumətimizə məntiqli vaxt veririk. Müəyyən bir müddət üçün, deyək ki, Mişanın xaricə müalicə üçün köçürülməsini təmin etmək üçün hökumətə bazar ertəsi saat 18:00-a qədər vaxt verəcəyik. Artıq vaxt yoxdur və nəticə ölümcül ola bilər. Heç kim buna şərik olmamalıdır. Bazar ertəsi axşamına qədər vaxt veririk, bundan sonra bu tələblər yerinə yetirilməsə, daimi aksiyalar elan edəcəyik, sonra isə böyük aksiya keçirəcəyik ki, Mişa azadlığa buraxılsın və müalicə olunsun, normal həyata qayıtsın", David Saakaşvili deyib.
Ülviyyə, Hurriyyet.az