Türkiyənin Milli Müdafiə Nazirliyi (MSB) avqustun 1-nə Ukrayna limanlarından daşınan taxılın miqdarının 1 milyon 43 min 286 ton olduğunu açıqlayıb.

Sozcu.info  xəbər verir ki, nazirlik taxıl daşımalarının problemsiz şəkildə həyata keçirildiyini bildirib.

Nazirlikdən verilən açıqlamada bildirilib ki, Türkiyə prezidenti Rəcəb Tayyib Ərdoğan və Birləşmiş Millətlər Təşkilatının (BMT) baş katibi Antonio Quterreşin sədrliyi ilə iyulun 22-də imzalanmış sənədə əsasən Ukrayna limanlarında taxıl daşımaları planlaşdırıldığı kimi davam edir.

Açıqlamada xatırladılıb ki, Türkiyə, Rusiya, Ukrayna və BMT arasında imzalanan sazişdən sonra İstanbulda yaradılan Birgə Koordinasiya Mərkəzini Milli Müdafiə naziri Hulusi Akar açıb.

Musavat.com