İran prezidenti İbrahim Rəisinin xarici işlər naziri vəzifəsinə namizəd irəli sürdüyü Hüseyn Əmir Abdullahian Rusiya və İngiltərə səfirlərinə sərt təpki göstərib.
Sozcu.info IRNA-ya istinadla xəbər verir ki, o, diplomatları təcili qaydada səhvlərinin düzəltməyə çağırıb.
Hüseyn Əmir Abdullahian öz "Twitter" hesabında yazıb: "Tehranda iki xarici səfirin diplomatik olmayan hərəkəti İran İslam Respublikasında ictimai fikrini coşdurub, bu, diplomatik etiketə və qeyrətli İran xalqının milli qüruruna etinasızlıqdır".
Xatırladaq ki, Rusiya səfiri Levon Caqaryan və Böyük Britaniyanın Tehrandakı yeni səfiri Saymon Şerklifin 1943-cü ilə Ruzvelt, Çörçill və Stalinin Tehran konfransını keçirdiyi binanın pilləkənlərində foto çəkdiriblər.
Foto Rusiya səfirliyinin "Tvitter" hesabında paylaşılandan sonra sərt tənqidlər doğurub.
İranın xarici işlər naziri Məhəmməd Cavad Zərif də mövzu ilə bağlı tənqidi paylaşım edib.