Türkiyə prezidenti Rəcəb Tayyip Ərdoğan İrana səfər edəcək.
Sozcu.info IRNA-ya istinadla xəbər verir ki, bu barədə Tehranda səfərdə olan Türkiyə xarici işlər naziri Mövlud Çavuşoğlu və iranlı vəzifədaşı Hüseyn Əmir Abdullahianın birgə mətbuat konfransında bildirilib.
"İran və Türkiyə arasında uzunmüddətli əməkdaşlıq üçün yol xəritəsinin formalaşdırılmasına dair razılığa gəlmişik. Bu sənədin Türkiyə prezidenti alicənab Ərdoğanın İrana qarşıdakı səfəri zamanı imzalanacağına ümid edirik", - deyə Əmir Abdullahian jurnalistlərə açıqlayıb.
O əlavə edib:"Bugünkü görüşdə iki ölkə arasında əlaqələrin inkişafı, Tehran ilə Ankara arasında uzunmüddətli əməkdaşlıq istiqamətində faydalı danışıqlar apardıq".
Xarici işlər naziri qeyd edib: "Görüşdə Əfqanıstandakı hadisələrə diqqət yetirərək və Qərbi Asiyada təhlükəsizliyin sabitliyini vurğulayaraq müxtəlif beynəlxalq və regional məsələlər ətrafında yaxşı söhbət apardıq. Tehran və Ankaranın praqmatik hökumətlərdir. Ümid edirik ki, mövcud ticarət maneələrini tezliklə aradan qaldıracağıq. Həmçinin, ikitərəfli münasibətlərin inkişafını sürətləndirmək üçün ümumi mexanizmlərə nail olduq".