Gürcüstanın keçmiş baş naziri Giorgi Qaxariyanın partiyası “Gürcü Arzusu”nun fəxri sədri Bidzina İvanişvilini və parlament çoxluğunu qarşıdan gələn yaz sessiyasında prezident seçkilərinin keçirilməsi qaydasını qaytarmaq üçün konstitusiya dəyişikliyi üzərində işə başlamağa çağırır.

Sozcu.info xəbər verir ki, bu barədə “Exo of Caucasus” məlumat yayıb.

Müxalifət partiyasının deputatı Beka Liluaşvili bildirib ki, Gürcüstan dövlətinin başçısı parlamentdəki çoxluğun nümayəndələri deyil, vətəndaşlar tərəfindən seçilməlidir.

Müxalif siyasətçi izah edir ki, hətta ümumi seçki hüququndan imtina edən bir çox Avropa ölkələri də sonda əvvəlki sistemə qayıdıb.

Gürcüstanda sonuncu birbaşa prezident seçkiləri 2018-ci ilin oktyabrında keçirilib. 2024-cü ildə növbəti prezident 300 nümayəndədən ibarət seçki kollegiyası tərəfindən seçiləcək.

Ülviyyə ŞÜKÜROVA

Hurriyyet.az