Qarabağ bölgəsinin işğaldan azad edilməsi Azərbaycanın tarixində yeni bir dövrün başlanğıcını qoydu. Bu dövrün ən mühüm vəzifələrindən biri isə Qarabağın yenidən qurulması və dirçəldilməsidir. Bu prosesdə Azərbaycanın strateji tərəfdaşı olan Belarusun təcrübəsi və dəstəyi əvəzsizdir. Şəhərsalma, müasir texnologiyalar, aqroşəhərciklər modeli və tarixi dostluq əlaqələri Qarabağın dirçəlişində Belarus izinə işıq tutur.

Belarusun şəhərsalma sahəsindəki təcrübəsi Qarabağın yenidən qurulması üçün əsaslı bir təməl təşkil edir. Müasir şəhərsalma konsepsiyaları, enerji səmərəliliyi, yaşıl texnologiyalar və infrastrukturun inkişafı kimi sahələrdə Belarusun təcrübəsi Qarabağın müasir və dayanıqlı şəhərlərə çevrilməsinə töhfə verəcəkdir.

Belarusun aqroşəhərciklər modeli Qarabağın kənd təsərrüfatının inkişafı və məşğulluğun təminatı üçün böyük potensial vəd edir. Bu model, kənd təsərrüfatı istehsalının müasirləşdirilməsi, kənd əhalisinin rifah halının yaxşılaşdırılması və regionda məşğulluq imkanlarının artırılması baxımından əhəmiyyətlidir.

Qarabağda aqroşəhərciklərin yaradılması kənd təsərrüfatı məhsullarının istehsalını və emalını təşkil edəcək, eyni zamanda kənd əhalisinə müasir yaşayış şəraiti və sosial xidmətlər təqdim edəcəkdir. Bu model həmçinin regionda məşğulluğun artırılmasına və kənddən şəhərə miqrasiyanın qarşısının alınmasına da kömək edəcəkdir.

Azərbaycan və Belarus arasındakı tarixi dostluq və qardaşlıq əlaqələri Qarabağın dirçəlişi prosesində mühüm rol oynayır. İki ölkə arasında yüksək səviyyəli siyasi dialoq, iqtisadi əməkdaşlıq və mədəni mübadilə Qarabağın yenidən qurulması üçün əlverişli şərait yaradır.

Belarus xalqının və hökumətinin Azərbaycanın ərazi bütövlüyünə və suverenliyinə verdiyi dəstək, Qarabağın işğaldan azad edilməsi uğrunda apardığı mübarizədə Azərbaycana olan inamını nümayiş etdirir. Bu dəstək, iki ölkə arasında qarşılıqlı etimadın və dostluğun daha da möhkəmlənməsinə səbəb olur.

Qarabağın dirçəlişi prosesində Belarusun təcrübəsi və dəstəyi, iki ölkə arasındakı strateji tərəfdaşlığın və dostluğun daha da inkişaf etdirilməsi üçün yeni imkanlar açır. Qarabağın yenidən qurulması və dirçəldilməsi prosesində Belarusla əməkdaşlıq hər iki ölkə üçün qarşılıqlı faydalı olacaq və regionda sülh, sabitlik və rifahın təmin olunmasına töhfə verəcəkdir.

Nəsimi Səfərov

Suraxanı RİHB-nin Yeni Suraxanı QİƏD üzrə nümayəndəsi

Sozcu.info