Ukrayna Prezidenti Volodimir Zelenski Kiyevin Avropa və ABŞ-dən almaq istədiyi üç təhlükəsizlik zəmanətinin adını çəkib.

Sozcu.info bu barədə “Strana.ua”ya istinadən xəbər verir.

Ukrayna liderinin sözlərinə görə, birinci zəmanət Ukrayna Silahlı Qüvvələrinin hazırkı sayını saxlamaqdan, ordunu Avropa və ABŞ hesabına maliyyə və silahla təmin etməkdən gedir.

İkincisi, Kiyev öz müttəfiqlərindən hərbi əməliyyatların mümkün bərpası ehtimalı ilə bağlı nə etməyə hazır olduqları barədə konkret məlumat almağa çalışır.

Üçüncüsü, Ukrayna, həmçinin Rusiyaya qarşı sanksiyaların saxlanmasını və dondurulmuş Rusiya aktivlərindən ölkənin bərpası üçün istifadə etməyi tələb edir.