Dövlətin gücü həm də onun insansevərliyində və mərhəmətindədir. Humanizm prinsipləri Azərbaycan dövlətçiliyinin ayrılmaz hissəsidir. Cənab İlham Əliyev mütəmadi olaraq imzaladığı əfv sərəncamları və təşəbbüskarı olduğu amnistiya aktları ilə minlərlə insanın həyatını dəyişib. Bu addımlar cəmiyyətdə sosial barışın və barışığın təmin olunmasına xidmət edir.

Ulu Öndər tərəfindən əsası qoyulan əfv ənənəsi cənab İlham Əliyev tərəfindən daha da genişləndirilib. Böyük Zəfər amnistiyası bunun ən bariz nümunəsidir. Bu aktlar dövlətin vətəndaşına olan etimadının göstəricisidir. Birinci vitse-prezident Mehriban xanım Əliyevanın rəhbərlik etdiyi humanitar layihələr də bu siyasəti tamamlayır. Kollektivimiz üçün də insan amilinə dəyər vermək ən ali prinsipdir.

Mərhəmətli dövlət xalqın ən böyük dayağıdır. Cənab Prezidentin bu humanist addımları Azərbaycan cəmiyyətini daha da sıx birləşdirir. Bu müqəddəs fəaliyyətin başında duran Liderimizin doğum gününü səmimiyyətlə qeyd edirik.

Cənab Prezident! Doğum gününüz münasibətilə Sizi təbrik edirik. Sizin həyata keçirdiyiniz humanizm siyasəti minlərlə ailəyə sevinc bəxş edib və edəcəkdir. Sizin bu nəcib fəaliyyətiniz xalqımızın hər zaman yaddaşında qalacaq. Sizə möhkəm cansağlığı və xalqımızın rifahı naminə işlərinizdə uğurlar arzulayırıq!

Emil Yusifov

Əmircan bələdiyyəsinin sədri

Sozcu.info