70 ilə yaxındır ki, 1 iyun təqvimi dünyada Uşaqların Beynəlxalq Müdafiəsi Günü kimi qeyd edilir. Dünyanın əksər ölkələrində olduğu kimi, bu əlamətdar gün Azərbaycanda da qeyd edilir. Bütün təhsil müəssisələrində, dövlət qurumlarında, müxtəlif təşkilatlarda  bu gün münasibətilə xüsusi mərasimlər, yarışmalar təşkil olunur və bu tədbirlərdə yaşanan xoş anlar uşaqların yaddaşında uzun müddət silinməz iz buraxır. Belə maraqlı və yaddaqalan anlardan biri də  mayın 31-də "Azərkitab” Kitab Təbliğat Mərkəzində yaşandı. Burada  1 İyun Uşaqların Beynəlxalq Müdafiəsi gününə həsr olunmuş "Gələcək naminə uşaqları qoruyaq” adlı rəsm sərgisi keçirildi. Sərgi iştirakçılarına  Dünya Azərbaycanlılarının Mədəniyyət Mərkəzi İctimai Birliyin prezidenti Çingiz Abdullayevin,  DAMM İB-nin birinci vitse-prezidenti, SMİB rəhbəri və İctimai Nəzarət Koalisiyasının sədri Rasim Məmmədovun  və "Azərkitab” Kitab Təbliğatı Mərkəzinin direktoru Misirxan Həsənovun təqdimatı ilə hazırlanmış diplomlar  təqdim olunacaqdı.  Azərbaycan Rəssamlar İttifaqınının, Elim Tədris  Mərkəzinin, Azərbaycan Dövlət Pedeqoji Universitetinin,  Azərbaycan Dövlət Pedeqoji kollecinin  və Dövlət Təhlükəsizlik Xidmətinin Mədəniyyət Mərkəzinin nəzdində fəaliyyət göstərən rəsim dərnəyinin 150 nəfər müəllim və tələbəsinin 150 rəsim əsəri  sərgidə nümayiş olundu.  Sərgi iştirakçılarını  təbrik edən DAMM İB-nin birinci vitse-prezidenti, SMİB rəhbəri və İctimai Nəzarət Koalisiyasının sədri Rasim Məmmədov  Uşaqların Beynəlxalq Müdafiəsi Günü  ölkəmizdə uşaq və yeniyetmələrə, gənclərə göstərilən diqqət və qayğının, onlara yaradılan hərtərəfli şəraitin dövlət siyasətinin prioritet istiqamətlərindən biri olduğunu  xüsusi vurğuladı.  O həmçinin Prezident İlham Əliyevin, Birinci vitse-prezident Mehriban xanım Əliyevanın uşaqlar üçün yaratdığı mükəmməl şəraitdən, onların firavan yaşamaları üçün görülən işlərdən, uşaq hüquqlarından bəhs etdi.  İctimai Nəzarət Koalisiyasının sədri:  --  "Bu gün burada sərgi iştirakçılarına təqdim olunan rəsim əsərlərinin  hər birinin arxasında böyük bir məqsəd  və  düşüncə var. Biz bu gün çox sevinirik ki, bizim belə uşaqlarımız  var. Onların  mədəni-mənəvi aləminin zənginləşməsi, ümumən vaxtının səmərəli keçməsi üçün  valideyinlərlə yanaşı dövlət tərəfindən xüsusi qayğılar göstərilir.  Elə bu gün  bu gözəl balalarmızın,  gənclərimizin əl işlərinin sərgisinə bu xalq uğrunda bu dövlət uğrunda canından, qanından keçən Milli Qəhrəmanlarımızın,  şəhidlərimizin analarının və həyat yoldaşlarının  təşrif  buyurmasıda bunu təsdiqləyir”- dedi.  "Gələcək naminə uşaqları qoruyaq” adlı rəsm sərgisinin  əsas təşkilatçıları  Azərbaycan Rəssamlar İttifaqının üzvüləri Elnarə və Aygün İsgəndərova bacılarına  gənclər arasında Mədəniyyətlərarası dostluğun inkişafına və Vətənpərvərliyin təbliğı mövzusunda uğurlu  lahiyələr həyata keçirdiklərinə  görə  Azərbaycanın Milli Qəhrəmanı Asif Məhərrəmov adına inkişaf fondunun direktoru Ədalət Məhərrəmov tərəfindən  Fondun Fəxri Diplomu təqdim olundu.  "Azərkitab” Kitab Təbliğat Mərkəzində 1 İyun Uşaqların Beynəlxalq Müdafiəsi gününə  həsir olunmuş tədbirin sonunda  rəsm sərgisi  iştirakçılarına  DAMM İB-nin birinci vitse-prezidenti, SMİB rəhbəri və İctimai Nəzarət Koalisiyasının sədri  Rasim Məmmədov müxtəlif yaş qruplarından olan rəssamlara "Gələcək naminə uşaqları qoruyaq” sərgisinin Diplomunu   təqdim etdi.

  A.Məmmədli,

" Yeni Sözcü”