Qarabağ qaziləri üçün əlilliyin müəyyən edilməsinin müraciət mexanizmi asanlaşdırılmalı, xüsusi olaraq Qarabağ qaziləri üçün səyyar görüşlər, yerində müayinələr həyata keçirilməlidir.
Bu sözləri Axar.az-a millət vəkili Vüqar Bayramov qazilərə əlillik statusunun verilməsində yaranan problemlərdən danışarkən bildirib.
“2021-ci ildə əlillik üçün, eləcə də əlilliyin təkrar müayinəsi ilə bağlı müraciət edənlərin sayı çoxdur. Təklif edirəm ki, Qarabağ qaziləri üçün əlilliyin təkrar müayinəsi ayrıca bir mexanizm formasında daha intensiv şəkildə həyata keçirilsin”.
Millət vəkili bildirib ki, Qarabağ qazilərinin, o cümlədən onların ailə üzvlərinin sosial təminatının daha da gücləndirilməsi ölkəmizdə həyata keçirilən sosial siyasətin əsas prioritetlərindəndir:
“Qarabağ qazilərinin sosial təminatının yaxşılaşdırılması ilə bağlı 12 proqram icra olunur. Onların bir qismi birbaşa, digər bir qismi isə təşviqedici proqramlardır”, – deyə millət vəkili bildirib.