Təhsil naziri Emin Əmrullayev bu tədris ilinin sonu üçün məktəblərdə "Son zəng" tədbirlərinin keçirilib-keçirilməməsi barədə danışıb.
Sozcu.info-nun report-a istinadən məlumatına görə, nazir jurnalistlərə açıqlamasında bildirib ki, bu barədə danışmaq tezdir.
O qeyd edib ki, tədris ilinin başa çatmasına 2 aya yaxın vaxt var:
"Bu tip qərarları Nazirlər Kabineti yanında Operativ Qərargah mövcud vəziyyətə uyğun verir. Lakin müşahidə olunan şərait davam etsə, təbii ki, "Son zəng" tədbirlərinin ənənəvi qaydaya yaxın formatda keçirilməsi istisna edilmir".