6-09-2024, 14:50
4-09-2024, 13:27
3-09-2024, 10:47
3-09-2024, 10:00
2-09-2024, 11:55
Deyirlər yaxşı yaşamaq üçün çoxlu pul lazımdır, amma indi ölmək də baha başa gəlir. Dəfn və mərasim xərcləri vəfat edən edən şəxsin ailəsi və yaxınlarını düşündürən əsas məsələlərdəndir. Belə ki, meyitin yuyulmasından ehsanınadək olan bütün proseslər maddiyyat tələb edir.
Lökbatan qəsəbəsinin axundu Faiq Əhmədov bildirib ki, şəhər mərkəzinə nisbətən ətraf qəsəbələrdə dəfn xərci daha azdır.
“Yuyub-kəfənləmək təxmini 60 AZN edir. Ümumiyyətlə tabut pulsuzdur. Meyit daşıyan maşınların icarəsi isə təxmini qəsəbədə 30-40 AZN-dir. Mollaların hüzr yerində iştirakının kankret qiyməti yoxdur. Ev yiyəsinin nə qədər verməyindən asılıdır, təxmini 30-50 AZN olur”,-deyə axund qeyd edib.
Qəsəbə məzarlıqlarına nəzarət edən şəxslərin sözlərinə görə, burada məzar yerləri ödənişsizdir. Amma əksər məzaqrlıqlarda bunun üçün pul tələb olunur. Məzar yeri 800-4000 manata qədər olan məzarlıqlar var. Qəbirüstü mərmər daşlarının qiyməti də fərqlidir. 600 -3000 və daha çox ola bilər. Qəbir qazmaq üçün isə zəhmət haqqı 50-100 AZN arası dəyişir.
Yas mərasimlərinin keçirilməsi üçün qurulan çadırların qiyməti də 300-1000 AZN təşkil edir. Ehsan isə həm ev yiyəsi, həm də mərasim evləri tərəfindən hazırlana bilər.
Mərasim evlərində də qiymətlər bir-birindən fərqlənir. İcarə haqqı 300-350 AZN ola bilər. Bu qiymətə yer, stol-stul və qab-qacaq daxildir. Menyu təklif edilən mərasim evlərində bir nəfər üçün qiymət 12-15 AZN-dir.
Bütün xidmətlərin qiymət aralığı ərazidən asılı olaraq dəyişir. Ümumilikdə bir nəfərin dəfn xərci təxmini 1500 və 7500 AZN təşkil edə bilər. \\Saglamolun.Az