Sozcu.info xəbər verir ki, futbol üzrə Avropa çempionatının qrup mərhələsinin nəticələrinə görə, Avropa Futbol Assosiasiyaları İttifaqı (UEFA) Gürcüstan Futbol Federasiyasına 46 min avro cərimə cəzası verib. Bu barədə UEFA-nın mətbuat xidməti məlumat verib.
Türkiyə millisi ilə görüşün (1:3) nəticələrinə görə - pirotexnikadan istifadə və kütləvi qayda pozuntusu səbəbindən 36,25 min avro cərimə hesablanıb.
Portuqaliya komandası ilə görüşün (2:0) nəticələrinə görə - azarkeşlərin meydana qaçması və pirotexnikadan istifadə səbəbindən 9,75 min avro cərimə cəzası verilib.
Gürcüstan millisi tarixdə ilk dəfə Avropa çempionatında iştirak edib. Komanda qrup mərhələsində üçüncü yeri tutaraq səkkizdə bir finala çıxıb və bu oyunda 1:4 hesabı ilə İspaniyaya məğlub olub.