Əvvəlki Sonrakı

Müharibə bitir: ABŞ və İran yekun sülhə razılaşdı Green

12-06-2026, 21:58

SON DƏQİQƏ! Dövlət qurumunda korrupsiyaya qarşı ƏMƏLİYYAT : ONLAR SAXLANILDI

11-06-2026, 21:19

Xameneinin harada dəfn olunacağı açıqlandı

8-06-2026, 22:05

“Qara günlər” başlayır - Yay ayları ilə bağlı XƏBƏRDARLIQ EDİLDİ

29-05-2026, 12:03

İranda keçmiş MMA çempionu edam edildi

26-05-2026, 21:18

"Rusiya və Qərb ölkələri ermənilərin əli ilə müxtəlif manipulyasiyalar edir" - SAMİR HÜMBƏTOV

"Görünən odur ki, Qarabağda "sülhməramlı fəaliyyət" həyata keçirənlər və Qərbin münaqişədə maraqlı olan bir sıra qüvvələri Ermənistan vasitəsi ilə pərdəarxası oyun oynamaq niyyətindədir"
"Ermənistanın mütəmadi olaraq Azərbaycanla dövlət sərhədində və yaxud rus "sülhməramlıları"nın müvəqqəti nəzarət etdiyi Azərbaycanın Qarabağ bölgəsində yaratdığı insidentlər və pozduğu atəşkəslər getdikcə daha da sürətlənməkdədir. II Qarabağ savaşından sonra nə Rusiya, nə də Ermənistan imzaladığı 10 noyabr 2020 və 11 yanvar 2021-ci il üçtərəfli bəyannamələrinin şərtlərinə əmək etmək niyyətində olmadıqlarını hər addımda göstərməyə çalışırlar". Hurriyyet.az xəbər verir ki, bunu "Beynəlxalq Münasibətlər və Diplomatiya Araşdırmaları" Mərkəzinin sədri, politoloq Samir Hümbətov bildirib.
Politoloq hesab edir ki, həm Rusiya prezidenti Vladimir Putinin, həm də Avropa Birliyinin vasitəçiliyi ilə Azərbaycan prezidenti və Ermənistan baş naziri arasında görüş baş tutsa və razılıqlar əldə edilsə də, Ermənistanın qətiyyətsiz mövqeyi ucbatından nəticəsiz qalıb: "İstər Soçi görüşü, istər Brüssel görüşü, istərsə də son video konfrans vasitəsi ilə keçrilən görüşdə əldə edilən istənilən razılaşma Ermənistan tərəfindən pozulub. Demək olar ki, Azərbaycan tərəfi erməni terrorçu diversantlarının böyük hissəsini qaytarmasına baxmayaraq, Ermənistan hələ də Azərbaycanın bəzi tələblərini yerinə yetirmək niyyətində olduğunu göstərmir. Aİ prezidenti Şarl Mişel, Fransa prezidenti Emmanuel Makron, Azərbaycan prezidenti cənab İlham Əliyev və Ermənistan baş naziri Nikol Paşinyan arasında baş tutan videkonfransda Azərbaycanın bir sıra tələbləri ölkə başçısı tərəfindən dilə gətirilib. Burada həm I Qarabağ savaşından bəri taleyindən xəbər bilinməyən 4 minə qədər hərbi və mülki vətəndaşımız haqqında məlumat, minaların xəritələrinin verilməsi, kommunikasiyaların açılması, delmitasiya və demarkasiya işlərinin başladılması, sülh və etimad mühitinin yaradılması. Bütün bu qeyd edilənlər barədə ümumi razılıq əldə edilsə də, görüşdən sonra Ermənistan tərəfi yenə razılaşmadan boyun qaçırdı".
"Ermənistan kimə və nəyə güvənərək bu addımları atır? Onun belə addımlar atmasına stimul verən amillər nələrdir?" suallarını cavablandıran "Beynəlxalq Münasibətlər və Diplomatiya Araşdırmaları" Mərkəzinin sədrinin sözlərinə görə, görünən odur ki, 10 noyabr 2020-ci il üçtərəfi bəyannamə ilə Azərbaycanın Qarabağ bölgəsində "sülhməramlı fəaliyyət" həyata keçirənlər və Qərbin münaqişədə maraqlı olan bir sıra qüvvələri Ermənistan vasitəsi ilə pərdəarxası oyun oynamaq niyyətindədir: "Məhz buna görədir ki, erməni silahlı terrorçuları hələ də Qarabağ bölgəsindən çıxarılmır. Hadisələrin gedişindən belə qənaətə gəlmək olar ki, həm Rusiya, həm də Qərb ölkələri ermənilərin əli ilə müxtəlif formalı manipulyasiyalar etməkdə maraqlıdırlar. Ona görə də Ermənistanın əldə edilən razılaşmalardan boyun qaçırması bundan sonra da ehtimal edilə bilər. Fikrimcə, bu məsələ indiki halda bizim üçün o dərəcədə əlverişli olmasa da 5 ilin tamamında əlimizi gücləndirməyə ciddi dəstək ola bilər".
Vazeh BƏHRAMOĞLU


Oxşar Xəbərlər

“Ermənistan silahlıları Qarabağda yeni postlar qurur...” – Nə baş verir?
Azərbaycandan rus sülhməramlılarına xəbərdarlıq
İki od arasında: "Kəlbəcərə daxil olacaq qüvvələrimiz ilk növbədə Azərbaycan-Ermənistan sərhədində yerləşdiriləcək" - MN
Rusiya sülhməramlılarının keçmiş komandanı Qarabağa gəlir

Xəbər lenti

PRİZMA

İnsan ruhunun çıxılmaz keçidləri İmamverdi İsmayılovun “LABİRİNT” povesti haqqında düşüncələr
İnsan ruhunun çıxılmaz keçidləri İmamverdi İsmayılovun “LABİRİNT” povesti haqqında düşüncələr

MÜSAHİBƏ

TƏHLİL

Trampın İran siyasətinə etirazlar artır
Trampın İran siyasətinə etirazlar artır

SOSİAL