Erkən seçki, Nuru Paşa, Afrin əməliyyatı və... - BQP Siyasi Qurulunda müzakirə

Erkən seçki, Nuru Paşa, Afrin əməliyyatı və... - BQP Siyasi Qurulunda müzakirə

 

Bu gün BQP başqanı Fazil Mustafanın sədrliyi ilə partiyanın Siyasi Qurulunun növbəti iclası keçirilib.

Partiyadan Mia.az-a verilən məlumata görə, iclasda qərarların icra vəziyyəti və görülən işlər haqqında məlumat verilib. "İctimai-siyasi vəziyyət və qarşıda duran vəzifələr” mövzusunda partiya başqanı geniş məruzə ilə çıxış edib.

Siyasi Qurul Azərbaycan Respublikası Prezidentinin növbədənkənar seçkilərinə Böyük Quruluş Partiyasının münasibəti ilə bağlı yekun qərarın qəbul edilməsi üçün yaxın günlərdə partiyanın Ali Məclisinin iclasının çağırılması haqqında qərar qəbul edib. 

İclasda Böyük Quruluş Partiyasının (BQP) başqanı, Millət vəkili Fazil Mustafa və Bütöv Azərbaycan Xalq Cəbhəsi Partiyasının (BAXCP) sədri, Millət vəkili Qüdrət Həsənquliyevin Qafqaz İslam Ordusunun komandanı Nuru Paşaya Bakı şəhərində abidə ucaldılması məqsədi ilə müvafiq yerin ayrılması üçün baş nazir Artur Rasi-zadəyə müraciət etmələri Nuru Paşanın və Azərbaycan uğrunda 4 mindən çox əsgər və zabitini şəhid verən Qafqaz İslam Ordusunun xatirəsinin əziz tutulması baxımından təqdir edilib:  "Bununla yanaşı Şərqdə ilk demokratik respublikanın (Azərbaycan Xalq Cümhuriyyəti) yaradılmasının 100 illik yubileyi ilə bağlı AXC liderlərinə şəhərin görkəmli, geniş bir ərazisində bir parkın salınması və orada bu şəxslərə aid abidə kompleksin ucaldılması, Məhəmməd Əmin Rəsulzadə başda olmaqla Azərbaycan Demokratik Respublikasının yaradıcılarının adlarının əbədiləşdirilməsi, həmçinin Azərbaycanın ikinci dəfə müstəqilliyində əhəmiyyətli rolu olan, gəncliyini və həyatlarını bu yolda qurban verən vətənsevərlər insanlar üçün müəyyən güzəşt və imtiyazların verilməsi ölkə başçısı tərəfindən imzalanan sərəncamın ruhuna uyğun addımlar olardı”.

İclas, Türkiyə tərəfindən aparılan Afrin, "Zeytun Dalı hərəkatı" anti-terror əməliyyatında Türkiyənin haqlı mövqeyinin Azərbaycan tərəfindən dəstəklənməsini təqdir edib: "Türkiyənin sərhədlərinin təhlükəsizliyini təmin etmək, bölgədəki terror təhlükəsini zərərsizləşdirmək, ərazidə yaşayan mülki insanları terror hücumları və təhdidlərindən qorumaq, regionun demoqrafik quruluşunu zorakı yolla dəyişmək və qurulan məkrli planları pozmaq məqsədi ilə Türkiyə Silahlı Qüvvələri tərəfindən həyata keçirilən "Zeytun dalı” əməliyyatı qardaş ölkənin legitim haqqıdır”.

Siyasi Qurul Rusiya prezidenti yanında Vətəndaş Cəmiyyətinin İnkişafı və İnsan Hüquqları üzrə Şuranın üzvü, 2008-2012-ci illərdə Rusiya İctimai Palatasının üzvü olmuş, ictimai-siyasi xadim M. Şevçenkonun "Ermənilər Rusiyanın düşməni, Qarabağ isə Azərbaycanın əzəli torpağıdır” fikrini əhəmiyyətli təsirə malik qənaət kimi dəyərləndirib: "Öz ölkəsində böyük nüfuza malik olan, Rusiyanın siyasi elitası tərəfindən qəbul edilən və kifayət qədər söz haqqı olan M.Şevçenkonun bu fikirləri reallığı görən rusiyalı ziyalıların sayının günü-gündən artdığını sübuta yetirir. Dağlıq Qarabağın Azərbaycanın tarixi torpağı olması və Ermənistanı düşmən dövlət kimi göstərməsinin rusliyalı  nüfuzlu ictimai-siyasi xadim tərəfindən səsləndirilməsi kifayət qədər əhəmiyyətli faktdır".

Sonda iclas cari məsələlərin müzakirəsi ilə işini davam etdirib


Oxşar Xəbərlər

Xəbər lenti


{sape_links}{sape_article}