Xalq artisti Məleykə Əsədova gözəllik sirrlərini bölüşüb.

Aktrisa "İncə maraqlar" verilişində üz dərisini nəmləndirici kremlər vasitəsilə təravətli saxladığını bildirib:

“Hər gün işə getdiyim, çəkilişlərim olduğu üçün makiyaj etmək məcburiyyətində oluram. Yayda istirhətdə olanda makiyaj etmirəm. Amma nəmləndirici krem vururam. Axşam gecə kremləri çəkirəm. Səhər də yuxudan oyanan kimi nəmləndiricilər vururam. Evə gələn kimi makiyajı silirəm. Sənət adamlarının efirə baxımsız çıxması tamaşaçıya hörmətsizlikdir. Biz formada olmalıyıq, tamaşaçıya nümunəyik. Makiyajda ən çox dodaq boyasına üstünlük verirəm. Üz dərim təmiz olduğu üçün tonal kremdən az istifadə edirəm. Qısa geyinməyi xoşlayıram. Əvvəl ayaqlarım kök idi. Massajla onu arıqlatdım, daha sonra qısa ətəklərdən istifadə etdim. 48 yaşım var, bu günə kimi bədənimdə plastik əməliyyata ehtiyacım olmayıb".

M.Əsədova qızına qoyduğu qadağalardan da bəhs edib:

"Uşaqlıqda makiyajı xoşlayırdı. Uşaq üçün olan parıldadıcıdan vurur. Gözünə, dərisinə nəsə vurmasını qəti qoymuram. Hətta saçına da nəsə etməsinə icazə vermirəm. Cavanlıq daha gözəldir. Hər səhər yuxudan durur, saçlarını hörür, dərsə yola salıram".