Əvvəlki Sonrakı

Müharibə bitir: ABŞ və İran yekun sülhə razılaşdı Green

Dünən, 21:58

SON DƏQİQƏ! Dövlət qurumunda korrupsiyaya qarşı ƏMƏLİYYAT : ONLAR SAXLANILDI

11-06-2026, 21:19

Xameneinin harada dəfn olunacağı açıqlandı

8-06-2026, 22:05

“Qara günlər” başlayır - Yay ayları ilə bağlı XƏBƏRDARLIQ EDİLDİ

29-05-2026, 12:03

İranda keçmiş MMA çempionu edam edildi

26-05-2026, 21:18

"Nazir müstəqilliyimizi alıb, sonra yer vermək istəyir" - Teatr rəhbəri Əbülfəs Qarayevi yalançılıqda ittiham etdi

"Nazir müstəqilliyimizi alıb, sonra yer vermək istəyir" - Teatr rəhbəri Əbülfəs Qarayevi yalançılıqda ittiham etdi

 

Mədəniyyət naziri Əbülfəs Qarayev keçirdiyi mətbuat konfransında jurnlistlərin ilk müstəqil və modern teatr olan ADO-nun məkan problemi ilə bağlı sualını cavablandırıb. 

Nazir teatrın rəhbəri ilə görüşdüyünü, lakin teatr rəhbərinin ona müraciət etmədiyini bildirib. 

Suala konkret cavab verməyən nazir teatrın media vasitəsilə müraciətlərini "orda-burda yazırlar” kimi ifadələrlə qiymətləndirib və media vasitəsilə ADO rəhbərinə müraciət edib: "Teatrının aqibəti ilə bağlı ciddi bir layihə hazırlayıb gətirsin”.

 ADO teatrının rəhbəri Elmin Bədəlov Mia.az-a açıqlamasında nazirin jurnalistlərə düzgün informasiya vermədiyini bildirib:

 "Biz dəfələrlə nazirliyə müraciət etmişik. Küçə teatr festivalının keçirilməsi ilə bağlı bir ildən çox rəsmi müraciətlər oldu. Lakin heç bir faydası olmadı. Daha sonra ADO məkan problemi ilə üzləşdi. Biz bununla bağlı prezident İlham Əliyevə, Bakı Şəhər İcra Hakimiyyətinə, Mədəniyyət Nazirliyinə rəsmi müraciət ünvanladıq. Bununla yanaşı, 200-dən çox incəsənət nümayəndəsi Əbülfəs Qarayevə bizə yer verilməsi ilə bağlı açıq müraciət etdi. 

Daha sonra nazirlik məsələni diqqətdə saxladığını bildirdi və Bakı Şəhər Mədəniyyət İdarəsinə bu barədə göstəriş verdi. İdarənin rəisi və əməkdaşları teatrımıza gəldilər, STOP adlı tamaşamızı izlədilər. Daha sonra bizə yer verə biləcəklərini dedilər. Lakin qeyd etdilər ki, tamaşalara əvvəlcə idarə baxmalı, razılıq olacağı təqdirdə nümayişə buraxılmalıdır. 

Biz isə bununla razılaşmadıq. Hesab edirik ki, teatr üçün məkan vacibdir, lakin məkandan da vacib teatrın müstəqilliyi və azadlığıdır”.

 Teatr rəhbərinin fikrincə, nazir ADO ilə bağlı suala əsəbiləşib: "Mən nazirlə görüşəndə bizimlə heç bir probleminin olmadığını bildirdi. Lakin ADO ilə bağlı sual veriləndə nazir qəzəbini gizlədə bilməyib. İstəyir ki, bizim teatr onlarla layihələr çərçivəsində əməkdaşlıq etsin və bizə qrant ayrılsın. Biz isə bu təkliflə razı deyilik, düşünürük ki, teatra balaca, hətta təmirsiz məkanlardan biri ayrılsın, lakin teatr müstəqil formada fəaliyyətini davam etdirsin.

 Dövlətin balansında bu formalı istifadəsiz yerlərin sayı çoxdur, bizə məkan problemində dəstək ola bilərlər. Nazir isə müstəqilliyimizi alıb, qarşılığında məkan problemimizi həll etmək istəyir. Nazirlik bizim açıq müraciətlərimizi sevmir, prezidentə göndərdiyimiz məktublara əsəbiləşirlər, hətta bunu açıq formada bizə bildirirlər. Biz isə izah etməyə çalışırıq ki, ADO ilk müstəqil teatr olduğu üçün bu teatrın müstəqilliyi ən azından tarix kimi qorunmalıdır.

 Biz cəmiyyətimiz, mədəniyyətimiz üçün çalışırıq. Hesab edirik ki, bu teatr ölkənin imicinə başucalığı gətirir, ölkəni festivallarda təmsil edir, teatr mühitinə canlanma qatır. Bütün bunlar göz qabağındadır. İşlərimiz barədə isə hər zaman açıq məlumatları sosial şəbəkələrdə və saytımız vasitəsilə yayırıq. Bütün bunları dəfələrlə teatr xadimləri də açıq formada vurğulayıb.

 Buna baxmayaraq, hər zaman bizə senzura tətbiq olunmaq istəyir, barəmizdə yalan, böhtan xarakterli məlumatlar yayılır. Statistika göstərir ki, dünyada mədəniyyətin inkişafına müstəqil incəsənət qurumlarının təkanı da böyük rol oynayıb. Əgər mədəniyyətdə inkişafı istəyiriksə müasir incəsənətə dəstək olmalıyıq”.



Oxşar Xəbərlər

Prezident İlham Əliyev teatr direktoruna “Dostluq” ordeni təqdim edib –FOTOLAR
Səhnədə Fuad Poladovu yad edən aktyor niyə cəzalandırılıb? –Açıqlama
Azərbaycan daha bir xalq artistini itirdi
“Hər şeyi dövlətdən gözləməyək” - Əbülfəs Qarayev

Xəbər lenti

PRİZMA

İnsan ruhunun çıxılmaz keçidləri İmamverdi İsmayılovun “LABİRİNT” povesti haqqında düşüncələr
İnsan ruhunun çıxılmaz keçidləri İmamverdi İsmayılovun “LABİRİNT” povesti haqqında düşüncələr

MÜSAHİBƏ

TƏHLİL

Trampın İran siyasətinə etirazlar artır
Trampın İran siyasətinə etirazlar artır

SOSİAL