Vətən müharibəsinin 21-ci günündə cəbhədən gələn qələbə xəbərləri artır. Səhər saatlarında isə Ermənistanın Gəncəyə raket hücumları nəticəsində 35 mülki şəxs həlak olub, ölənlər arasında 2 uşaq var. 20-ci günündə qələbələrimizin sayı artır. Dünyadan və dünya güclərindən misli görünməmiş bu terrora adekvat reaksiyalar gözləyirik. Amma bununla paralel, səhər saatlarında prezident İlham Əliyev Füzuli şəhərinin və Füzulinin daha bir neçə kəndinin işğaldan azad olunması barədə cəmiyyəti məlumatlandırdı. Ölkədə kədərlə sevinc bir-birinə qarışıb. İnsanlarımız Gəncədəki növbəti terror aktı ilə bağlı dərin kədər yaşarkən düşmənə verilən layiqli cavablar və işğaldan azad edilmiş torpaqlarımızıəa görə sevinc yaşayır.

Eyni zamanda ölkədə mümkün erməni terroru ilə bağlı təlaş da var. Dövlət buna qarşı hansı addımları atmalıdır? Ermənistanın humanitar atəşkəs dönəmində yol verdiyi terrorlara dünya miqyasında niyə adekvat cavablar verilmir? Ermənistanın bu cinayətlərinə necə cavab veriləcək? KTMT-nin reaksiyası olacaqmı?

Bu və digər sualların cavabını bu gün saat 12.00-də "Canlı debat" verilişində "Yeni Müsavat" Media Qrupunun rəhbəri Rauf Arifoğlu ilə şərh edəcəyik. Eyni zamanda Gəncə və Füzuliyə ezam olunmuş əməkdaşlarımızla canlı telefon bağlantıları quracaq, son dəqiqə xəbərlərini tamaşaçılarla bölüşəcəyik. Müzakirədə tamaşaçılarımız da iştirak edə bilərlər.

Bunun üçün Musavat.com -un Facebook, ya da Youtube səhifələrindən birini bəyənib (like edib), canlı yayına qatila bilərsiniz.