Əmək qabiliyyətini itirdiyi üçün FHN-dən xaric olundu, nə pensiya, nə də sığorta pulu ala bilmir… - ŞİKAYƏT


Salyan rayon sakini Muradov Faiq Rafiq oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi iddia edir ki, Fövqəladə Hallar Nazirliyi (FHN) onu “yararsız” kimi işdən azad etsə də, bü günə kimi nə pensiya, nə də sığorta pulu ala bilməyib:

“Mən, Muradov Faiq Rafiq oğlu, yazaraq bildirirəm ki, ailəliyəm, iki övladım var. Himayəmdə xəstə ana-atam da yaşayır. 

2009-cu ildə FHN-in Muğan Regional Mərkəzində xilasedici vəzifəsinə işə düzəldim. İdman tədbirlərində 1-ci və 2-ci yerlərlə təltif olunmuşam.

2012-ci ildə Ulu öndər Heydər Əliyevin ad günü münasibətilə keçirilən futbol oyunu zamanı sol dizimin ön çarpaz nahiyəsi ağır zərbə almışdır. DİN-nin hospitalında əməliyyat olunmuşam.

2019-cu il, sentyabın 19-da xidmət zamanı ürəktutması olduğundan FHN tərəfindən “Papanin” hospitalına göndərilmişəm və burada 1 ədəd stent qoyulub. FHN tərəfindən göndərilsəm də, bütün xərcləri özüm ödəmişəm.

FHN məni infaktdan sonra “dinc və müharibə dövründə hərbi xidmətə yararsız” kimi işdən azad etdi. “Pensiyaya çıxmalısan” deyilsə də, hal-hazırda heç bir qurumdan kömək ala bilmirəm. Bu günə kimi sığorta pulumu da ala bilməmişəm. Bütün müvafiq qurumlara müraciət etsəm də, nə sığorta pulu, nə də pensiya ala bilmirəm”.

Jalə FAMİLQIZI

Redaksiyadan: Qarşı tərədin mövqeyini dərc etməyə hazırıq.



Oxşar Xəbərlər

Xəbər lenti


{sape_links}{sape_article}