“Vahid Vətən” partiyasının sədri Samvel Babayan Xankəndidə aksiya keçirib. O, müstəqil ictimai toplantının keçirilməsi təşəbbüsü ilə çıxış edib.
Sozcu.info “News.am”a istinadən xəbər verir ki, S.Babayan həmçinin Qarabağdakı qondarma rejimin Dövlət naziri təyin edilməsini tələb edib.
Onların bəyanatında qeyd olunur ki, geniş kütlələrin mövqeyini və iradəsini ifadə edərək onlar Qarabağdakı mövcud vəziyyətdən çıxış yolu ilə bağlı fikirlərini açıq  şəkildə ifadə etmək və bununla bağlı rejimə tələblər təqdim etmək üçün müstəqil ictimai yığıncaq keçirməyə təşəbbüs edirlər.