Sozcu.info TASS informasiya agentliyinə istinadla xəbər verir ki, Tbilisidə keçirilən hökumət əleyhinə mitinqlər zamanı etirazçılar parlament binasına pirotexniki vasitələrlə atəşə tutublar.
Bu kadrlar Gürcüstanın "İmedi" telekanalı tərəfindən canlı yayımda göstərilib.
Etiraz aksiyası axşam boyunca sakit keçib. Heç bir insident qeydə alınmayıb. Lakin naməlum gənclərdən ibarət qrup gözlənilmədən pirotexniki vasitələr gətirərək parlament binasını atəşə tutmağa başlayıb.
Parlamentin mühafizəsinə səfərbər edilmiş polis bu hadisəyə heç bir reaksiya verməyib. Ardından ərazidəki vəziyyət sabitləşib. Adamlar azalıb. Nümayişçilərin bir qismi evlərinə dağılışıb.