Bakı Nəqliyyat Agentliyi paytaxtda baş verən zəncirvari qəza barədə açıqlama verib.
BNA-nın mətbuat xidmətinin rəhbəri Mais Ağayev Sozcu.info-a bildirib ki, bu gün saat 11 radələrində Qara Qarayev prospektində 166 nömrəli marşrut xətti üzrə hərəkət edən avtobusun da iştirakı ilə zəncirvari yol nəqliyyat hadisəsi qeydə alınıb:
“Hazırda qəza ilə əlaqədar tərəfimizdən də müvafiq araşdırma aparılır. Bununla əlaqədar 166 nömrəli marşrut xətti üzrə daşıyıcı “Vətən-az Trans” MMC-nin rəhbərliyi Agentliyə çağırılıb”.
12:11
Bakı şəhərində zəncirvari qəza baş verib.
Sozcu.info-ın məlumatına görə, hadisə Qara Qarayev prospektində baş verib.
İlkin məlumata əsasən, “Toyota Prius”,  “Volkswagen”, VAZ-2107 markalı avtomobillər və “Daewoo” markalı sərnişin avtobusu toqquşub.
Faktla bağlı araşdırma aparılır.