Hədə-qorxu ilə pul tələb edən sayt rəhbəri tutulub.

Sozcu.info Manset.az-a istinadən xəbər verir ki, Zərdab rayonunda bir nəfərdən barəsində rüsvayedici məlumatlar yayacağı hədəsi ilə pul tələb edən “saat24.az” saytının rəhbəri, əvvəllər məhkum olunmuş Coşqun Abdullayev və rayon sakini Natiq İmamalıyev polis əməkdaşları tərəfindən tutulub.

Faktla bağlı başlanan cinayət işi üzrə istintaq hərəkətləri davam etdirilir.

Məlumatı DİN Mətbuat Xidmətindən təsdiqləyiblər.

Bu şəxslərin əməllərindən zərər çəkənlər polisə məlumat verə bilərlər.