SOCAR Gürcüstan bazarında Rusiyanın “Qazprom” şirkəti ilə azad rəqabətə hazırdır.

Bu barədə SOCAR-ın Gürcüstandakı törəmə şirkəti “SOCAR Energy Georgia”nın prezidenti Mahir Məmmədov “Trend”ə müsahibəsində bildirib.

Onun sözlərinə görə, Rusiyanın Gürcüstana qaz təchizatını artırması bu ölkə bazarında rəqabəti gücləndirəcək.

“Bu, azad bazardır, digər şirkətlərin iştirakı rəqabət səviyyəsini artıracaq və deməli xidmətlərin keyfiyyətini yaxşılaşdıracaq. Əgər Gürcüstan Rusiyadan daha çox qaz almaq barədə qərar versə, biz də yeni şərtlərə uyğunlaşacağıq və inkişafımızı davam etdirəcəyik. Ümumiyyətlə, biz rəqabətə hazırıq”- deyə Mahir Məmmədov bildirib.