Kərəm Həsənovun ətrafında həlqə daralır

Kərəm Həsənovun ətrafında həlqə daralırKomitə sədrinin deputat qardaşının işçilərinin həbsı yalnız başlanğıcdır
Mətbuata məlumatların sızmamasına rəğmən proseslərin təhlili onu deməyə əsas verir ki, hakimiyyət daxilində ziddiyətlər son 10 ildə ən yüksək səviyəyə çatıb. Bunu sübut etmək üçün əlimizdə məlumatlar olmasa da, aparılan təhlillərdən bu qəanətə gəlmək olur. Eldar Mahmudovun Milli Təhlükəsizlik naziri vəzifəsindən kənarlaşdırılması, sabiq nazirə yaxın zabitlərin həbs olunmaları və ya vəzifələrindən kənarlaşdırılmaları ilə başlayan hakimiyyət daxili çalxalanmalar davam edir. Bu prosesə Rabitə və Yüksək Texnologiyalar Nazirliyində baş verən proseslər də öz təsirini göstərir. Bütün bunlar azmış kimi ölkənin ən qüdrətli hökumət üzvülərindən sayılan Əmlak Məsələləri Dövlət Komitəsinin sədri Kərəm Həsənovun ətrafında baş verənlər çox ciddi proseslərin getdiyini söyləməyə imkan verir. Qeyd edək ki, Əmlak Məsələləri Dövlət Komitəsinin sədri Kərəm Həsənovun adı ilk olaraq sabiq Milli Təhlükəsizlik naziri Eldar Mahmudovla yaxın münasibətlərdə olmaqda hallandı. Belə iddialar ortaya atıldı ki, Eldar Mahmudov Kərəm Həsənov arasında biznes sahəsində iş birliyi olub. Bu zaman konkret olaraq, hətta sabiq nazirlə komitə sədrinin ortaq biznesi kimi “Azinko Holdinq” Məhdud Məsuliyyətli Cəmiyyətin adı çəkildi. Əmlak Məsələləri Dövlət Komitəsinin sədri Kərəm Həsənovun deputat qardaşı Malik Həsənova aid olduğu iddia edilən bu şirkətə komitə sədrinin əmisi oğlu Akif Həsənov rəhbərlik edir. Son on ildə sürətlə böyüyən “Azinko Holdinq” MMC- özündə beş böyük tikinti şirkətini, “Klas AZ KO” MTK, “Xəzər AZ KO” MTK, “SAHİL AZ KO” MTK, ”AZ-İN-KO” MMC və “Regional İnşaat” MMC birləşdirir. Bu şirkətlərdə bütövlükdə 2 min nəfərə yaxın insanın çalışması, Tbilisi prospekti 49 B ünvanında 3 girişli, 21 mərtəbəli, 161mənzilli, 1 bina, A.Abbaszadə küçəsi 17 ünvanında 3 girişli, 19 mərtəbəli, 190 mənzilli, 1 bina, Ə.Əliyev küçəsi 26 ünvanında 19 girişli, 15-21 mərtəbəli, 1222 mənzilli, 10 bina, Ü.Hacıbəyov küçəsi 57 ünvanında 10 girişli, 17-23 mərtəbəli, 464 mənzilli, 3 bina, Ə.Hüseynov küçəsi 7 ünvanında 10 girişli, 19-20 mərtəbəli, 566 mənzilli, 3 bina, H.Zərdabi prospekti 59 ünvanında 4 girişli, 23 mərtəbəli, 268 mənzilli, 2 binanın inşaasını həyata keçirmək hər şirkətə nəsib olan məsələ deyil. Eyni zamanda bu günə kimi bu tikinti işlərinin heç bir problemlə üzləşməməsi də şirkətin güclü himayədarlarının olduğunu göstərir. Çox maraqlıdır ki, uzun müddət bu tikintiləri ölkənin ən nüfuzlu ailələrindən birinin adı ilə bağlamaq cəhdləri olub. İstisna deyil ki, bu şaiyələri də Eldar Mahmudovun əməkdaşları yayıblar və bununla diqqətləri başqa səmtə yönəldiblər. İndi isə bir çox sirrlərin üstü açılır. Vergilər Nazirliyinin Vergi Cinayətlərinin İbtidai Araşdırılması Departamentinin əməkdaşları “Azinko Holdinq” MMC-də və bu MMC-yə daxil olan digər şirkətlərdə yoxlama aparıblar. Yoxlamalar zamanı şirkətin fəaliyyətində vergi qanunvericiliyinin tələblərinin kobud şəkildə pozulması halları aşkarlanıb və şirkətin bir neçə işçisi həbs edilib. Vergilər Nazirliyi apardığı yoxlamaların təfərrüatları barədə daha sonra müfəssəl məlumat verməsə də , hansı prosesin getdiyini müəyyən etmək çətin deyil. Çünki, əgər vergi qanunvericiliyinin tələblərini pozmağa görə belə böyük şirkətin əməkdaşları həbs edilirsə, “Avesta Konserni” MMC-nin prezidenti Hacı İbrahim Nehrəmli çoxdan həbs edilməli idi. Çünki, Hacı İbrahim Nehrəmlinin şirkətlərinin külli midarda vergi borcu olması, ikili müahasibatlıqdan geniş istifadə edilməsi və digər qanunsuzluqlar “Avesta Konserni” MMC-nin sabiq əməkdaşları tərəfindən sənədlərlə ifşa olunub. Çox maraqlıdır ki, Vergilər Nazirliyi bu məlumatları çox soyuqqanlılıqla qarşılayır. Sanki, burada heç bir cinayət yoxdur. Hacı İbrahim Nehrəmlinin şirkətlərindəki cinayətləri görməyən Vergilər Nazirliyi “Azinko Holdinq”MMC-də vergi qanunvericiliyinin tələblərinin pozulmasını çox asanlıqla müəyyən edə biliblər. Bu qısa müqayisə onu deməyə əsas verir ki, “Azinko Holdinq” MMC-də yoxlamaların aparılmasında maraq var. Bunun isə məhz Eldar Mühmudovla və Kərəm Həsənovla bağlı olması isə şübhə doğrmur.
Kərəm Həsənovun ətrafında həlqənin daraldığını başa bir məqam, Əmlak Məsələləri üzrə Dövlət Komitəsi yanında Daşınmaz Əmlakın Dövlət Reyestri Xidmətinin rəisi Məhəmməd İmanov vəzifəsindən müammalı azad edilməsidir. İstisna deyil ki, Məhəmməd İmanovaun vəzifəsindən kənarlaşdırılması “Azinko Holdinq” MMC-nin istifadəyə verdiyi mənzillərin sənədləşdirilməsi bağlıdır. Doğrudur, Əmlak Məsələləri Dövlət Komitəsi Daşınmaz Əmlakın Dövlət Reyestri Xidmətinin rəhbərliyindəki dəyişikliklərə aydınlıq gətirərək Məhəmməd İmanovun vəzifəsindən kənarlaşdırılmasını başqa amillə, onun İstehsal və xidmət müəssisə və obyektlərinin idarəetmə mərkəzinə direktor təyin edilməsi ilə izah edir. Burada Məhəmməd İmanovun vəzifəsinin formal olaraq kiçilmədiyi görünsə də, məlumatlı şəxslər nəyin baş verdiyini yaxşı bilirlər. Qeyd edək ki, Məhəmməd İmanovla bərabər onun müavini Seymur Əliyevin də vəzifəsindən azad edilərək, daha aşağı vəzifəyə keçirilməsi burada söhbətin formal vəzifə dəyişikliyindən getmədiyini əminliklə söyləməyə imkan verir. Belə demək olar ki, Kərəm Həsənov ətrafında həlqə daralır və baş verən hadisələr də bundan qaynaqlanır. Bu yazı ilə bağlı Əmlak Məsələləri Dövlət Komitəsinin sədri Kərəm Həsənovun da mövqeyini dinləməyə hazırıq.
Yeni Sözçü


Oxşar Xəbərlər

Xəbər lenti


{sape_links}{sape_article}