“Azərbaycanın öz torpaqlarını işğaldan azad etməyə tam haqqı çatır” - Metyu Brayza
Sozcu.info xəbər verir ki, bunu "Region Plus" jurnalına müsahibəsində ATƏT-in Minsk qrupunun ABŞ- an olan keçmiş həmsədri,  Amerikanın  Azərbaycandakı sabiq səfiri Metyu Brayza bildirib.
"BMT Təhlükəsizlik Şurasının 1993-ü  ildə qəbul etdiyi dörd qətnamə var. Orada Ermənistan Azərbaycanın işğal altında olan torpaqlarını  dərhal tərk  etməyə çağırılır və döyüş əməliyyatlarının dayandırılmasına çağırış edilir. 1994-cü ildə döyüş hərəkətləri doğrudan da dayandırılıb,  lakin  Ermənistan  hələ  də buradan getməyib.  BMT Təhlükəsizlik Şurasının  qətnamələri beynəlxalq hüququn ən ali təzahürüdür.  Buna görə də bu gün  Ermənistan  beynəlxalq hüquqdan kənardır və Azərbaycanın özünün işğal altında olan torpaqlarını qaytarmağa tam haqqı çatır", M.Brayza bildirib.
Onun sözlərinə görə, buna əmin olmaq üçün ABŞ-ın siyasətinə və hətta Nümayəndələr Palatasının son qətnaməsinə nəzər salmaq kifayətdir.  Baxmayaraq ki,  həmin qətnaməni erməni diasporunun güclü olduğu Kaliforniya ştatından olan konqresmenlər irəli sürüb.
"Bu qətnamədə Azərbaycan aqressivlikdə ittiham olunur, lakin beynəlxalq hüququn pozulması və ya qanunazidd hərəkətlərdə günahlandırılmır. Məncə, bnun özü hər şeyi deyir", - Brayza bildirib.
Modern.az xatırladır ki, hazırda Metyu Brayza ABŞ-ın Atlantika Şurasının böyük elmi işçisidir. Onunla geniş müsahibəni Region Plus jurnalının  Azərbaycanın  əkshücum əməliyyatına həsr olunacaq xüsusi buraxılışında oxumaq olar.