Sentyabrın 27-si səhər saatlarından başlayan Azərbaycan torpaqları uğrunda döyüşlər davam edir. Ermənilər tərəfindən işğal olunan ərazilərin geri qaytarılması uğrunda gedən döyüşlər, Azərbaycan ordusunun düşmən üzərindəki üstünlükəri xalqda böyük ruh yüksəkliyi yaradır. Orduya dəstək məqsədilə xalq könüllü səfərbərliyə gedir, əsgərlərin ərzaq, su və s. ehtiyaclarını ödəmək üçün yardımlar edir, yaralılara kömək üçün qan verməyə çalışırlar. Bunlarla yanaşı, ölkəmizdə fəaliyyət göstərən şirkətlər də Azərbaycan Respublikasının Silahlı Qüvvələrinə Yardım Fonduna ianələr etməklə ordumuza və dövlətimizə dəstək kampaniyasını həyata keçirirlər.
Bu gün Gürcüstanın Qaraçöp mahalının sakinləri  Qarabağda döyüşən əsgərlərə 600 baş xırdabuynuzlu heyvan göndərib.
Qaraçöp sakinlərinin verdiyi məlumata görə, xırdabuynuzlu heyvanlar kənt əhalisi  tərəfindən toplanılıb və Azərbaycan Ordusunun əsgərləri  üçün göndərilib.
Sozcu.info saytına verilən məlumata görə, artıq iki yük maşını Azərbaycan sərhədini kecib. Sözü gedən yardım Azərbaycan Respublikasının Müdafiə Nazirliyinə təhvil veriləcək.
Sozcu.info