Bu siyasət Ermənistanı məhvə aparır — Tahir Mirkişili

“Ermənistanda 2021-ci ilin dövlət büdcəsi layihəsi müzakirə olunur. Erməni rəsmiləri artıq bəzi rəqəmləri açıqlayırlar. Müharibə hər bir gün üçün Ermənistan iqtisadiyyatına 30 milyon dollara başa gəlir”.
 
Bunu Publika.az-a danışan Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili deyib.
 
Onun sözlərinə görə, Ermənistan iqtisadiyyatının bu ilin sonuna qədər daha çox azalacağı artıq elan olunub: “Ümumi daxili məhsulun 6,8% azalacağı göstərilir. Dövlət və büdcə gəlirlərində, vergilərin yığılmasında çox ciddi şəkildə problemlər müşahidə olunur. Düşünürəm ki, indiki halda Ermənistandakı dövlət rəsmiləri, xüsusilə də iqtisadiyyatla məşğul olanlar ölkələrinin iqtisadiyyatında bu müharibəni aparmaq üçün ciddi resurs çatışmazlığı olduğunu hiss edirlər. Müharibə cəmi bir aydan bir qədər çoxdur ki, davam edir. Onun nəticələrini hesablamaq üçün artıq rəqəmlər mövcuddur. 3 milyard dəyərində silah-sursat məhv edilib. Ermənistanın indiki halda iki yolu var, ya xarici borcu artırmaq, ya da pul çap etmək. Hər ikisi Ermənistan iqtisadiyyatı üçün məhvə bərabər addımdır. Çünki düşmən ölkənin iqtiadiyyatı çox kiçikdir və kifayət qədər az inkişaf edib”.
 
T.Mirkişili qeyd edib ki, indiki halda Ermənistanın baş nazirinin siyasi və hərbi ambisiyalarının kifayət qədər yüksək olması Ermənistan istisadiyyatını və dövləti məhvə doğru sürükləyir: “Bunu hökumətin verdiyi müsahibələrdən, etdiyi açıqlamalardan da görmək mümkündür. Bir tərəfdən baxsaq, xaricdən edilən yardımlar da bəlli dərəcədə müharibənin davam etməsinə kömək olur. Dgər tərəfdən, muzdluların qanunsuz və cinayət yolu ilə düşmən ölkəyə axını, silah-sursatın qanunsuz daşınması müəyyən dərəcədə onları resurslarla təmin etsə də, hər kəs anlayır ki, bu, uzun müddət davam edə bilməz. İndiki halda Ermənistan ordusunu məğlubiyyətdən heç nə xilas edə bilməz. Sadəcə olaraq hesablanmamış və kifayət qədər mifik, siyasi və hərbi ambisiyalar Ermənistan ordusunu işğalçı siyasətini davam etdirməyə və bizim ordumuza qarşı müqavimət göstərməyə məhkum edir. Ancaq əminəm ki, hər gün keçdikcə onlar anlayacaqlar ki, işğalçılıq siyasətinin sonu yoxdur və bu siyasət Ermənistanı məhvə aparır. Onlar tezliklə bizim torpaqlardan çıxmalıdırlar”.


Oxşar Xəbərlər

Xəbər lenti


{sape_links}{sape_article}