ABŞ məhkəməsi fevralın 16-da Türkiyənin “Halkbank” dövlət bankına qarşı qaldırdığı saxta işi dayandırmaq barədə qərar qəbul edib. Türkiyə bankına qarşı tamamilə saxta iddialardan ibarət iş guya, İrana bağlı qrupların hücumlarına məruz qalmış şəxslərin şikayəti əsasında başlanmışdı.
“Reuters” agentliyinin yazdığına görə, məhkəmə bildirib ki, tərəflər bu mübahisənin Türkiyə məhkəmələrində çözülməsi barədə razılığa gəliblər. “Halkbank” işi çoxdan bəridir ki, Ankara ilə Vaşinqton arasında qarşıdurmaya ən mühüm səbəblərdən biridir.
“Halkbank”-a ayrıca olaraq 2019-cu ildə Nyu York məhkəməsində də saxta və siyasi məqsədlər güdən ittiham irəli sürülmüşdü. Bank heç bir sübut olmadığı halda İrana ABŞ sanksiyalarından yan keçməkdə kömək etməkdə ittiham olunurdu.
ABŞ-ın sahə hakimi Denis Kout (onun  FETO terror şəbəkəsinə bağlı olduğu bildirilir-red.) “Hakbank”-a qarşı 876 nəfər tərəfindən verilmiş şikayətlər əsasında başlanmış işə xitam verilməsi barədə qərar qəbul edib. Sözügedən şikayətçilər xaricdə İrana bağlı qrup tərəfindən terror hücumuna məruz qaldıqlarını və ya zərəçəkənlərin yaxınları olduqlarını iddia edirlər.
ABŞ məhkəməsi “Halkbank”-ın bu işə Türkiyə məhkəməsində baxılması barədə xahişini qəbul edib. Məhkəmə tərəflərə razılaşmaya dair sənədləri təqdim etmək üçün martin 2-dək vaxt verib.
Qərarda deyilir ki, “Halkbank” bu işə Türkiyədə şikayətçilərin bütün hüquqlarının qorunması şərti ilə baxılacağına dair öhdəlik götürüb.
“Halkbank”-a qarşı əsas iş üzrə isə ABŞ prokurorları İranı, Türkiyəni və Birləşmiş Ərəb Əmiriklərini İrana ABŞ sanksiyalarından yan keçməkdə kömək etməkdə ittiham edirbər. İttiham tərəfi bildirib ki, cavabdehlər İrana onun qaz və neft gəlirlərinin qızıla çevrilməsi əməliyyatında kömək ediblər.
ABŞ prokurorları bildirirlər ki, bu əməliyyatın ört-basdır edilməsi üçün gəlirlərin guya ərzaq və dava-dərmana xərclənməsinə dair saxta sənədlər hazırlanıb. 
“Halkbank” ona qarşı 2019-cu ildə irəli sürülmüş bütün saxta ittihamları rədd edir.