Sentyabrın 12-də bir qrup media mənsubu Şuşaya səfər edib.
Sozcu.info xəbər verir ki, Şuşaya doğru gedən marşrut yaxın müddətdə tam istifadəyə veriləcək "Zəfər Yolu"nun üzərindən hərəkət edib. Fotolardan da görsəndiyi kimi yeni yolun çəkilişi tam gücüylə aparılır.

Qeyd edək ki, bu dəfəki səfər Şuşa Qoruq İdarəsinin təşkilatçılığı ilə baş tutub.
Səfərdə "Yeni Müsavat" Media Qrupunun iki əməkdaşı iştirak edir. Onlardan biri əslən Şuşadan olan qəzetimizin redaktoru, tanınmış yazar Nazim Sabiroğludur.

Nazim bəy 28 illik ayrılıqdan sonra Şuşaya ilk dəfə gedir.

Əməkdaşımız Elçin Əkbərov "Zəfər" yolunda, Şuşaya çatmağa yarım saat qalmış onun təəssüratlarını alıb.

Müvafiq foto və videonu təqdim edirik.