Qadın Tanrının yaratdığı ən zərif varlıq! Qadın həyatı boyu Ana olaraq ağır yük daşıyan güclü insan! Həm zərifdir, həm güclü! Azərbaycan Anasını, Azərbaycan qadınını dünya güclülüyü ilə daha çox tanıdı. Azərbaycanqadını özünü belə tanıtdı. Bəlkə özü də istəmədən güclənməyə məcbur oldu. 30 il gözüyaşlı qalan anaların göz yaşları işğal altında qalan torpaqlarını yudu. 
44 günlük Zəfər Qələbəsini yaşadan oğulların analarının içindən axan qanı, əzabı göz yaşları gizlətdi.Ağlar görünmədi Analar! Qürurlu tanıdıq onları. Torpaq uğrunda qanlarından, canlarından keçən igidlərin analarını. Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban xanım Əliyeva hərtərəfli fəaliyyəti ilə həm ölkədə, həm də beynəlxalq aləmdə Azərbaycan qadının nüfuzunu daha da yüksəklərə qaldırdı və bu missiyasını fəxarətlə yerinə yetirir. Mehriban xanım Əliyevanın hərtərəfli parlaq fəaliyyəti, xeyirxahlıq missiyası, mədəniyyətimizin bütün dünyada təbliği sahəsində gördüyü işlər əsl örnəkdir. Ölkənin “Yumşaq güc” siyasətinin təcəssümü olan Mehriban xanım Əliyevanın humanitar layihələri ölkəmizə yeni dostlar qazandırır. Mehriban xanım Əliyevanın xeyriyyəçilik tədbirləri bir sıra ölkələri, qitələri əhatə edir, prezidenti olduğu Heydər Əliyev Fondu uzun illərdir ki, Azərbaycanın humanitar və mədəni diplomatiyasının səlahiyyətli nümayəndəsinə çevrilib və bu fəaliyyət hər şeydən əvvəl dünyada Azərbaycanın təqdimatı və təbliğidir. 
Ölkənin Birinci vitse-prezidentinin rəhbərliyi ilə milli maraqlarımıza xidmət edən və ənənələrimizi yaşadan çoxlu sayda böyük layihələrin uğurla icra olunması Azərbaycan qadınının mərhəmət və xeyirxahlığının, zəngin mənəvi-intellektual və yüksək əxlaqi dəyərlərə malik olduğunun bariz nümunəsidir. Təkcə son bir ildə(Zəfər Qələbəsindən az sonra) maddi və mənəvi cəhətdən zərərçəkmiş ölkəmizdə Heydər Əliyev Fondu tərəfindən Qubanın Birinci Nügədi kəndində yeni məktəb inşa edilib
Şamaxıdakı Pirsaat Baba ziyarətgah-məscid kompleksinin bərpa və yenidənqurmadan sonra açılışı olub.
Prezident İlham Əliyev və birinci xanım Mehriban Əliyeva Şamaxıda Çarhan kənd orta məktəbinin yeni binasının,Binə qəsəbəsində yeni inşa edilmiş Tədris və Xidmət Kompleksinin açılışında iştirak ediblər.
Prezident İlham Əliyev və birinci xanım Mehriban Əliyeva Ağdam Cümə məscidində bərpa işlərinin gedişi ilə tanış olublar. 
Görülən işlər sadalamaqla bitməz. Çünki Mehriban xanım dayanmadan çalışır, Azərbaycan Anası olaraq, Azərbaycan Qadını olaraq Vətənçün yana-yana çalışır.Şəhid analarıyla bir ürək yandıran, şəhd və qazi ailələrinin problemlərini qısa zamanda çözməyə çalışan Güclü Qadın! Meriban Ana! Fəxrimiz! Anaların fəxri! Var ol, Azərbaycan Qadını!
Səfurə Rəhimova,
Bünyadəli Qulamoğlu adına285 nömrəli tam orta məktəbin direktoru