Mehriban xanım Əliyeva ictimai-siyasi fəaliyyəti ilə Azərbaycan qadınının fədakar, humanist obrazını bütün dünyaya nümayiş etdirir!
İşgüzar mühitdə liderlik nümayiş etdirən Azərbaycan qadını heç vaxt bununla kifayətlənməyərək evinin, ailəsinin qayğısına qalmağı,onlara dəstək olmağı unutmayaraq, daim özünün ən müqəddəs fəaliyyəti hesab edərək ailə dəyərlərinin qorunub saxlanmasında əsas rolu oynayır.
Fəaliyyəti, humanistliyi ilə təkcə ölkə daxilində deyil, eyni zamanda ölkə hüdudlarından kənarda da insanların sevgisini, rəğbətini qazanmış Birinci-vitse prezident, YUNESKO və İSESKO-nun xoşməramlı səfiri Mehriban xanım Əliyeva “Azərbaycan qadını” adını uca tutan, qadın siyasətinin həyata keçirilməsində müstəsna rolu olan şəxsiyyətdir.
Prezident İlham Əliyevin ən yaxın silahdaşı olaraq Birinci vitse-prezident Mehriban Əliyevanın sosial, humanitar və iqtisadi siyasətin həyata keçirilməsində böyük əməyi vardır. Məhz onun Azərbaycanı dünyada mədəniyyət carçısı, sivilizasiyalararası dialoq, mültikulturalizm və tolerantlıq məkanı kimi təqdim etməsi Prezident İlham Əliyevin müzəffər lider portretini uğurla tamamlayır.
Eyni zamanda bu gün ölkəmizdə güclü balanslaşdırılmış gender siyasətinin həyata keçirilməsi, qadınların cəmiyyətdə kişilərlə eyni rolları paylaşması, qızların və qadınların təhsilə və peşəyə yönəldilməsi ölkənin Birinci-vitse prezidenti Mehriban xanım Əliyevanın adı ilə bağlıdır. Bu günə kimi göstərdiyi fəaliyyətlərini saymaqla bitmək mümkün deyil. Təhsilin inkişafına qayğı, həssas əhali qruplarına qayğıkeş münasibət, qazi və şəhid ailələrinin problemlərinin həlli, qayğıya ehtiyacı olanlara ana nəvazişi ilə münasibət, idman hərəkatına dəstək, dövlətinin və xalqının naminə potensialların səfərbər olunması, ekoloji problemlərin həllinə yönəlmiş təşəbbüslər, ölkənin beynəlxalq nüfuzunu artıran layihələr və daha sadalamadığım yüzlərlə təşəbbüs.
Azərbaycan xanımının bütün dövrlərdə nümayiş etdirdiyi iradə, fədakarlıq, dərin düşüncə, müdriklik, vətənpərvərlik gələcək nəsillər üçün əsl örnək olub, xalqımızın qürur yerinə çevriliblər. Nigar, Həcər, Heyran Nisə Bəyim, Burla xatun kimi qeyrətli qadınlarımızın missiyası bu gün böyük humanizmi, xeyirxahlığı, nəcibliyi ilə XXI əsrin ən görkəmli Azərbaycan xanımı, ölkənin Birinci Vitse-Prezidenti Mehriban xanım Əliyevanın timsalında davam edir.
Mehriban xanım Əliyevanın rəhbərliyi altında Heydər Əliyev Fondu tərəfindən həyata keçirilən “Təhsilə dəstək” layihəsi ölkə miqyasından çıxaraq, beynəlxalq humanitar təşəbbüsə çevrilmişdir. Belə ki, layihə çərçivəsində ölkəmizdə həyata keçirilən tədbirlərlə yanaşı, xarici ölkələrdə - Gürcüstan, Misir, Rumıniya, Rusiya Federasiyası, Pakistan və Hollandiyada bir sıra məktəblər yenidən qurulmuş və əsaslı təmir olunmuşdur. Bu istiqamətdə görülən işlər Mehriban xanım Əliyevanın xeyirxah və tərəqqipərvər missiyasının bütün dünya insanlarına faydalı olmaq məqsədi daşıdığını göstərir və dünya insanının savadlanmasına xidmət edir. Təkcə Azərbaycan əhalisinin deyil, dünya əhalisinin də sağlamlığının qorunması daim Mehriban xanım Əliyevanın fəaliyyətinin əsasında dayanmışdır. Ümumdünya Səhiyyə Təşkilatı İcraiyyə Komitəsinin 2007-ci il yanvarın 29-da Cenevrədə keçirilən 120-ci sessiyasının yekdil qərarı ilə ana, uşaq və ailə sağlamlığının qorunması və möhkəmlənməsi işində müstəsna xidmətlərinə görə Mehriban xanım Əliyeva bu beynəlxalq təşkilatın ali mükafatına layiq görülmüşdür.
Tutuduğu mövqedən, statusdan asılı olmayaraq hər bir azərbaycanlının taleyinə biganə qalmayan Mehriban xanım Əliyeva ictimai-siyasi fəaliyyəti ilə Azərbaycan qadınının fədakar, humanist obrazını bütün dünyaya nümayiş etdirib.
Azərbaycan qadınının rolunu və fəaliyyətini çox yüksək qiymətləndirən Ümummilli Lider Heydər Əliyevin "Qadın bəşərə yaraşıq, zinət, insanlığa şərəf, şan-şöhrətdir. Qadın ucalıq, ülvilik məbədidir, ismət, qeyrət, qüdrət rəmzidir" fikirlərini Mehriban xanım Əliyeva özünəxas humanist və insanpərvər xarakteri, ictimai fəaliyyəti ilə təsdiq etməkdədir.
Suraxanı rayon Gənclər və İdman İdarəsinin əməkdaşı Elnarə Cəbrayılova