Biləsuvar rayonunda səfir Rana rayon rəhbərliyi ilə görüşdə Şimal-Cənub Nəqliyyat Dəhlizinin infrastrukturu və kənd təsərrüfatı sahəsində ikitərəfli əməkdaşlıq əlaqələri müzakirə edilib. Daha sonra səfir Azərbaycan Respublikasının Milli Qəhrəmanı Mübariz İbrahimovun adını daşıyan Biləsuvar lisey-məktəb kompleksi ilə tanış olub. Şagirdlər səfirə Azərbaycanın milli adət-ənənələri haqqında məlumat vermiş və mədəni proqram nümayiş etdirib. Məktəblilər həmçinin, səfiri hind mədəni proqramları ilə salamlayıb.