\

Türkmənistanın Prezident Aparatı 25 zirehli "Mercedes-Maybach S600L” markalı avtomobili satışa çıxarıb.

Bu barədə CA-News Türkmənistan Dövlət Birjasının saytına istinadən xəbər yayıb.

Bildirilir ki, maşınların qiyməti buraxılış ilindən asılı olacaq.

Belə ki, normalda 1995-ci ilin "Mercedes”ləri 25 min manatdan yuxarı, 2009-cu il istehsalı olan "Mercedes”ləri isə 75 mindən yuxarı qiymətə satılır.

Məlumata görə, siyahıda olan maşınlardan 13-ü 2009-cu ildə istehsal olunub.

"Xronika Turkmenistana” yazır ki, bu avtomobillərdən yalnız ölkəyə digər dövlət başçıları rəsmi səfər edən zaman istifadə olunur.

Qalan vaxtlarda ölkə prezidenti Qurbanqulu Berdiməhəmmədov şəxsən özünün idarə etdiyi digər avtomobillərə üstünlük verdiyini bildirib.