Bakıda sosial şəbəkəyə görə kütləvi dava

 

Paytaxtda çayxanada kütləvi dava olub.

"Report"un xəbərinə görə, hadisə Nəsimi rayonunda baş verib.

Rayon ərazisində fəaliyyət göstərən çayxanaların birində 4 nəfər arasında əlbəyaxa dava olub.

1998-ci il təvəllüdlü Kərimov Sabir Fəxrəddin oğlu dava zamanı qarın nahiyəsindən bıçaqlanıb. Yaralı 1 saylı Kliniki Tibbi Mərkəzə yerləşdirilib.

Yaralının yaxınlarının verdiyi məlumata görə, o, evi tərk edərək marketə getdiyini bildirib. Məlum olub ki, S.Kərimov "facebook" sosial şəbəkəsində dostunun təhqir olunduğunu görüb. Və onunla birgə sosial şəbəkədə dostunu təhqir edən şəxsi çayxanaya çağırıb. Çayxanada yaranmış mübahisə nəticəsində əlbəyaxa dava olub.

Faktla bağlı Nəsimi Rayon Polis İdarəsinin 21-ci bölməsində araşdırma aparılır.



Oxşar Xəbərlər

Xəbər lenti


{sape_links}{sape_article}