Sozcu.info xəbər verir ki, Polşanın müdafiə naziri Vladislav Kosinyak Kamış sentyabrın 18-də, səhər saatlarında Kiyevə rəsmi səfər edib.
Bu barədə Polşa Müdafiə Nazirliyinin X səhifəsində məlumat verilib.
Polşa nümayəndə heyətinin tərkibində ölkənin Müdafiə Nazirliyinin və Silahlı Qüvvələrinin təmsilçiləri var.
Kosinyak-Kamışın ukraynalı həmkarı Rustem Umerov və Baş nazir Denis Şmıqal ilə görüşləri planlaşdırılıb.  Tərəflər hərbi əməkdaşlıq, Ukraynaya dəstək, Rusiya təcavüzünün davam etməsi fonunda təhlükəsizlik vəziyyəti məsələlərini müzakirə etmək niyyətindədirlər.