Əvvəlki Sonrakı

Mirmahmud Mirəlioğlunun nəvəsi parkda ölübmüş...

Dünən, 11:11

Türkiyə bu müdafiə sistemini Rusiyaya geri qaytarır

Dünən, 01:05

Zabitlərin dinc dövrdə həqiqi hərbi xidmət müddəti 6 ay azaldılır

25-11-2025, 15:01

Qəzaya düşən təyyarədəki hərbçilərin sayı bilindi

11-11-2025, 20:04

Saxlanılan icra başçısının köməkçisi DANIŞDI

31-10-2025, 14:12

Tovuz “Aqrolizinq”dən daha bir şikayət - Fermer kombaynsız qalıb, taxıllar məhv olur

Tovuz “Aqrolizinq”dən daha bir şikayət - Fermer kombaynsız qalıb, taxıllar məhv olur

 

Ölkə mətbuatında "Aqrolizinq” ASC ilə bağlı şikayət xarakterli yazılara tez-tez rast gəlmək olur. "Aqrolizinq” ASC-nin rayon filiallarında dövlət tərəfindən fermerlərə verilən azot gübrəsinin dəyərindən qat-qat baha qiymətə satılması barədə yüzlərlə şikayət var. Bu sarıdan ən çox şikayət olunan rayonlardan biri isə Tovuz rayonudur.

365info saytı bu yaxınlarda Tovuz "Aqrolizinq” və onun rəhbəri Vidadi Əkbərov barədə yazı dərc edib. Tovuz sakinləri tərəfindən göndərilən şikayət əsasında 365info saytının yazdığı yazıda bildirilir ki, Tovuz rayon İcra Hakimiyyətinin başçısı Tofiq Zeynalovun(Hal-hazırda icra başçısı vəzifəsindən azad edilib. Amma yazı dərc olunanda hələ vəzifəsindən kənarlaşdırılmamışdır.-red) Vidadi Əkbərovla "qaranlıq işləri” mövcuddur. Və bu arxayınçılıq Vidadi Əkbərova hər il dövlət tərəfindən ayrılan subsidiyaları cəzasız mənimsəməsinə imkan yaradıb.

Yazıda Tovuz "Aqrolizinq”də baş verən korrupsiyanın mexanizimi göstərilir. Bu mexanizmə görə keçmiş icra başçısı Tofiq Zeynalovun göstərişi ilə kənd Bələdiyyələri Vidadi Əkbərova saxta arayış təqdim ediblər ki, guya hansısa kəndlərdə filan əkinçilərin hektarlarla torpaq sahələri var: "Məsələn, hansısa icra nümayəndəsi fantaziyaya əsasən kiminsə adına saxta sənəd tərtib edir ki, bəs onun 50 hektar torpaq sahəsi var və kartof əkir. Və verilən həmin saxta arayışlar əsasında Vidadi Əkbərov "Aqrolizinq”dən dövlət tərəfindən ayrılan subsidiya əsasında yerli əkinçilərə 70 faiz güzəştli qiymətlərlə satılması nəzərdə tutulan mineral gübrələri götürərək yerli alverçilərə dövlət qiymətindən baha qiymətə sataraq ikitərəfli xeyir götürüb.

Bu maxinasiyalardan bixəbər sadə rayon əkinçiləri Tovuz "Aqrolizinq”ə gübrə almağa gələndə isə Vidadi Əkbərov onlara bildirib ki, "gübrə başqa əkinçilərə paylanıb və artıq sizə veriləsi gübrə qalmayıb”. Kvartalın sonunda isə kənd bələdiyyələri tərəfindən V.Əkbərova verilən arayışlar Kənd Təsərrüfatı Nazirliyinin Tovuz rayon Kənd Təsərrüfatı İdarəsində yaradılan Dövlət komissiyası təsdiq edir. Dövlət komissiyasına icra başçısı T.Zeynalov rəhbərlik edib. Komissiyanın üzvləri isə 8 nəfərdən ibarət olur. Bu komissiyaya, rayonun bələdiyyə sədrləri, icra nümayəndələri, rayonun Torpaq söbəsinin müdiri, rayonun kənd təsərrüfatı idarəsinin rəisi daxildir. V.Əkbərov Tovuz "Aqrolizinq”ın mühasibi Eldar adlı şəxsi işdən çıxardaraq mühasib vəzifəsini öz oğluna həvalə edib. Hansı ki, mühasibliyə başlar-başlamaz "888” dövlət nömrə nişanı olan, 70 min manat qiymətinə "Hyundai” markalı avtomobil əldə edib”.(365info.org)

Bu günlərdə isə "Legion”a Tovuz "Aqrolizinq”dən daha bir şikayət daxil olub. Şikayət edən sahibkar Aslanov Aslan İsfəndiyar oğlu bildirir ki, onun 90 hektar taxıl sahəsi var, ancaq taxılını biçdirmək üçün kombayn tapa bilmir: "Kombayn üçün Tovuz "Aqrolizinq”ə dəfələrlə müraciət etsəm də hər gün "bu gün , sabah” deyə aldadırlar. Buna görə də taxılımı biçə bilmirəm və taxıl sahəm məhv olmaq üzrədir, ”.

Biz məsələ ilə bağlı Kənt Təsərrüfatı Nazirliyinin mətbuat xidməti ilə dəfələrlə əlaqə saxladıq, ancaq nə mətbuat xidmətinin rəhbərini, nə də qurumun hər hansı bir işçini yerində tapa bilmədik.

Onu da qeyd edək ki, Kənd Təsərrüfatı Nazirliyi yanında "Aqrolizinq” ASC-nin sədri Elşən Məmmədov keçən ayın əvvəlində vəzifəsindən azad edilib və onun yerinə Seymur Mövlayev təyin olunub. Ancaq kadr dəyişikliyinə baxmayaraq görünür "Aqrolizinq”də keçmişdən qalan problemlər hələ də həll olunmamış qalmaqdadır…


Oxşar Xəbərlər

Tovuzun icra başçısı işdən çıxarıldı –Yeni başçı təyin olundu (SƏRƏNCAM)
“Aqrolizinq”in sədri vəzifəsindən azad edildi
Tovuzun yeni icra başçısı vəzifəsindən istefa verdi - YERİNƏ OĞLU GƏLDİ
Vidadi Zeynalovun ittiham edildiyi maddələr açıqlandı

Xəbər lenti

PRİZMA

Amnistiyanın Tərbiyəvi Gücü: Vətəndaş Məsuliyyəti və Gələcəyə İnam
Amnistiyanın Tərbiyəvi Gücü: Vətəndaş Məsuliyyəti və Gələcəyə İnam

MÜSAHİBƏ

TƏHLİL

İSRAİL TÜRKİYƏYƏ VETO QOYDU, BAKI DƏVƏTİ RƏDD ETDİ
İSRAİL TÜRKİYƏYƏ VETO QOYDU, BAKI DƏVƏTİ RƏDD ETDİ – “Rəsmi Bakı Qəzza zolağına sülhməramlı kontingent göndərməyi düşünmür

SOSİAL