Bildiyimiz kimi, SARS-CoV-2 virusu tərəfindən törədilən yoluxucu xəstəlik olan COVID-19  2019-cu ilin sonundan etibarən sürətlə yayılmağa başlamış və bütün dünyanı əhatə etmişdir. ÜST 2020-ci il 23 yanvar tarixində COVID-19 xəstəliyi ilə bağlı fövqəladə vəziyyət elan etmiş  və xəstəliyin sürətlə yayılması, əhatə dairəsinin genişlənməsi nəticəsində 2020-ci il 11 mart tarixindən isə  bu xəstəliklə bağlı vəziyyətin pandemiya səviyyəsinə çatmasını bəyan etmişdir. 
Bu böyük bəla bütün dünyanı sınaq qarşısında qoymuşdur. Onun qarşısını almaq məqsədi ilə ölkəmizdə cənab prezident İlham Əliyevin göstərişi ilə qabaqlayıcı tədbirlər həyata keçirilmişdir. Belə ki,  2020-ci il 27 fevral tarixindən COVID-19 xəstəliyinin qarşısının alınması, profilaktik və təxirəsalınmaz tədbirlərin görülməsi məqsədilə Azərbaycan Respublikasının Nazirlər Kabineti yanında Operativ Qərargah yaradılmışdır. Hələ ilk günlərdən etibarən  cənab İham Əliyev  mövcud vəziyyətə uyğun tədbirlər alırdı. Onun göstərişinə əsasən, xəstələrin müalicə alması üçün xüsusi xəstəxanalar təyin olunmuş, modul tipli bir neçə xəstəxana inşa edilmişdir. O, dəfələrlə qeyd etmişdir ki, bizim üçün prioritet məsələ insanların sağlamlığı, onların sosial müdafiəsi və vəziyyətə uyğun şəkildə iqtisadi fəallığın artmasıdır. 
Dövlətimiz pandemiya dövründə aztəminatlı ailələrə maddi yardım göstərir. Pandemiyadan ən çox zərər çəkən sahələrdə işləyən insanların əməkhaqlarının əhəmiyyətli hissəsi dövlət tərəfindən qarşılanır. Dövlət sektorunda işləyənlərin əməkhaqları tam ödənilir. Hazırda bir milyona yaxın insanın böyük əksəriyyəti işləmir, ancaq dövlət onların maaşını verir. Yəni, bu, bir daha Azərbaycan dövlətinin humanist mahiyyətini göstərir. Cənab prezident çıxışlarında dəfələrlə vurğulamışdır ki, bizim siyasətimizin mərkəzində Azərbaycan vətəndaşı dayanır. 
İnsanlar arasında yoluxma sayının azaldılması üçün görülən tədbirlərdən biri də əhalinin vaksinasiyasıdır. 18 yaşdan yuxarı bütün vətəndaşların könüllü olaraq peyvənd olunmasına şərait yaradılıb.  Cari ilin yanvar ayının ortlarından etibarən peyvənd kampaniyası başlanıb və artıq 99,94 faizi “Sinovak”, qalanı isə “AstraZeneca” və “Sputnik” olmaqla, 2 milyon doza istifadə edilib. 
Prezident İ.Əliyev çıxışında bildirmişdir ki, Azərbaycan  dünya əhalisinin peyvəndlə ədalətli şəkildə təmin olunmasının tərəfdarıdır. Pandemiyaya qalib gəlmək üçün qlobal həmrəylik strateji əhəmiyyət kəsb edir. Stastistika göstərir ki, bu günə qədər dünyada mövcud olan peyvənd dozalarının 82 faizi zəngon ölkələr tərəfindən alınmış, peyvəndlərin yalnız 0,3 faizi azgəlirli ölkələrin payına düşmüşdür. Buna görə də Azərbaycan inkişaf etmiş ölkələri və donor təşkilatlarını inkişaf etməkdə olan, xüsusilə ən az inkişaf etmiş ölkələrə dəstək verməyə çağırır. 
Son günlərin statistikası müəyyən mənada nikbinlik üçün əsas yaradır. Belə ki, son günlərdə yoluxanların sayı ilə sağalanların sayı arasında dinamika artıq müsbətdir. Yəni, daha çox insan sağalır, nəinki bu xəstəliyə yoluxur. Bunun başlıca səbəbi  Prezident cənab İlham Əliyev  tərəfindən görülmüş tədbirlərdir. Əgər vaxtında qabaqlayıcı tədbirlər görülməsə idi, bu gün xəstələnənlərin sayı daha çox olardı. Bununla yanaşı, biz hər zaman öz vəzifə borclarını layiqincə yerinə yetirən səhiyyə işçilərinin də əməyini yüksək qiymətləndirir,  2021-ci ilin “Səhiyyə işçiləri ili” elan olunmasını alqışlayırıq. Ötən il ÜST Azərbaycanı pandemiya ilə mübarizə sahəsində nümunəvi ölkə adlandırmışdır. Bu da təsadüfi deyil. Belə ki, Azərbaycan Ümumdünya Səhiyyə Təşkilatına 10 milyon ABŞ dolları həcmində könüllü maliyyə ayırmış, 30-dan artıq ölkəyə humanitar və maliyyə yardımı göstərmişdir.

118 saylı orta məktəbin direktor müavini Muqumov Elşən Hafis oğlu