Abşeron rayonu, Masazır qəbəsində yerləşən "məzun evi" sosial müəssisəsinin sakini İbrahim İbrahimzdə redaksiyamıza müraciət edərək, sözügedən "məzun evi" sosial müəssisəsinin sakini Seymur Kazımlı tərəfindən özü və yoldaşlarının aldadıldığını bildirib. O Seymur Kazımlının Dövlət Sosial Müdafiə Fondunun əməkdaşları, əsasən də sözügedən "məzun evi" sosial müəssisəsinin müdiri Rüxsarə Axundova ilə əlbir olduğunu qeyd edib.
Belə ki, Seymur Kazımlı kimsəsiz uşaqlardan külli miqdarda pul alıb və onlara ev veriləcəyi ilə bağlı vədlər verib. İbrahim İbrahimzadə baş vermiş qanunsuz əməllərlə bağlı ölkə başçısına müraciət edib:

"Hörmətli İlham Əliyev cənabları,
Yazıb sizə bildirirəm ki, 2020-ci ilin əvvəlində və 2021-ci ilin əvvəlində dəfələrlə sizə çoxsaylı müraciətlər ünvanlamışam. Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun əməkdaşlarının qanunsuz əməlləri ilə bağlı məktublar yazmışam. Məzun evinin sakini Seymur Kazımlı adlı şəxs kimsəsiz uşaqlardan külli miqdarda pul alıb və onlara söz verərək ev veriləcəyini qeyd edib. Həmin uşaqlar nə ev, nə də pullarını geri ala biliblər. Bununla bağlı Abşeron rayon Polis İdarəsində cinayət işi açılıb. Rayon Prokurorluğu da bu məsələdən məlumatlıdır. 2019-cu ilin əvvəlində həmin şəxs dörd ay həbs edildi. 2 saylı Kürdəxanı həbsxanasında yatıb.

Bu işdə iştirak edən vəzifəli şəxslər vəzifə səlahiyyətlərindən istifadə edərək, məhkəməyə təsir göstəriblər. Abşeron rayon Məhkəməsinin qərarı ilə cinayət işi ört-basdır edilib. Nəticədə 2 saylı Kürdəxanı Həbsxanasından azadlığa buraxıldı. Sizdən xahiş edirəm ki, bu işdə qanun pozuntusunun olub-olmadığını araşdırasız. Bu işdə iştirak edən həmin vəzifəli şəxslər ciddi şəkildə cəzalandırılsın. Bu məsələ media vasitəsilə də işıqlandırılıb. Lakin heç bir nəticdə olmayıb. Cənab Prezident, sizin yaxşı bir sözünüz var: Qanun hamı üçün bərabərdir və qanun qarşısında hamı cavab verməlidir".
Qeyd: Mövzunu davam etdirəcəyik.
YƏHYA