CM-nin müvafiq maddələrinə əsasən oğurluq edənlər haqqında cinayət işi yekunlaşaraq məhkəməyə göndərilmişdir. Məhkəmə zamanı Lerik rayon Polis Şöbəsinin İstintaq Bölməsinin rəisi Zeynal Abdullayev qanunsuz hərəkətlər edərək, 2 dəfə məhkəmə zalına gəlib təqsirləndirilən şəxslər Rufullayev Səfər Mübariz oğlu, Abbaszadə İmaməli Bayram oğlu, Hacıyev Baba Vüqar oğlunun necə ifadə vermələri barədə onları təlimatlandırıb və hakim onun bu qanunsuz hərəkətlərinə irad bildirmək əvəzinə, ona şərait yaradıb. Nəticədə, hakim bu cinayət işinə tələm-tələsik baxaraq mənim məhkəməyə təqdim etdiyim sübutlara, çıxışlarıma və mənə dəymiş külli miqdarda ziyanın ödənilməsinə məhəl qoymaraq, təqsirləndirilən şəxslər haqqında azadlıqdan məhrumetmə cəza tədbiri seçmək əvəzinə, 15.03.2023-cü il tarixdə hökm verərək onlara yüngül cəza verməklə azadlığa buraxıb.

Mən həmin hökmlə razılaşmayaraq, 30.03.2023-cü il tarixdə Lerik Rayon Məhkəməsi vasitəsi ilə Şirvan Apellyasiya Məhkəməsinin Cinayət Kollegiyasına Apellyasiya şikayəti verdim. Məhkəmənin ilkin hazırlıq iclası o zaman 26.05.2023-cü il tarixə təyin edildiyindən, iş materialları hakim Elşad Əliyevin icraatında olmuşdur. Məhkəmə hazırlığı zamanı etibarnamə səlahiyyəti ilə qardaşım Cəfərov Bəkir Almas oğlu şəxsən iştirak edib, bu ciddi məsələ ilə bağlı geniş şəkildə çıxış edərək əlavə olaraq hakimə vəsatət təqdim etmişdir.

Hakim Elşad Əliyev növbəti məhkəmə prosesini 01.06.2023-cü il tarixə təyin etdiyi üçün həmin baxış məhkəməsində yenə də mənim səlahiyyətli nümayəndəm olan qardaşım iştirak edərək ətraflı çıxış etmiş və mənim Apellyasiya şikayətimi qanuni olaraq müdafiə etmişdir.

01.06.2023-cü il tarixdə baş tutan məhkəmə prosesində hökmdə adları qeyd olunan şəxslər ayrı-ayrılıqda çıxış edərək mənə borcları olduqlarını bir daha bildirsələr və bu ilin sentyabr ayına kimi borclarını ödəmələri barədə möhlət istəsələr də hakim Elşad Əliyev qurduğu neqativ səhnə ucbatından və əvvəlcədən təşkil etdiyi dövlət vəkillərinin çıxışlarına əsasən borcluları müdafiə etdirərək bu cinayət işini Lerik rayon məhkəməsinin sədri Atabəy Kiçibəyovun sifarişi ilə qərar qəbul etdirərək, həmin şəxslərin borclarını ödəməsinə imkan yaratmamış və onları məhkəmə zalından azad etdirmişdir.

“Hörmətli Prezident!

Məhkəmədə iştirak edən ittihmçı prokuror Hüseynov Elnar Əli oğlu hakim Elşad Əliyevin sədirlik etdiyi bu sifarişli və ədalətsiz məhkəmə prosesinə etirazını bildirərək Apellyasiya şikayətimdəki əsl həqiqətləri müdafiə etmiş, lakin hakim onun da çıxışlarına və iradlarına məhəl qoymayaraq özünə sərf edən qərar qəbul etmişdir.

Bu anda sual olunur ki, ittihamçı prokuror əgər hakimin apardığı prosesdən həqiqətən də narazı qalıbsa, bəs nə üçün onun bu qanunsuz hərəkətlərindən bu günə kimi yuxarı instansiyalara şikayət etməmişdir?! Deməli, bir daha məlum olur ki, əvvəlcədən bu qurulmuş oyun və məhkəmə prosesi həqiqətən də zərərçəkənin yox, Atabəy Kiçibəyovun və Elşad Əliyevin öz maraqlarını təmin etmişdir. Ona görə də bir haqqı tapdanılmış vətəndaş kimi hesab edirəm ki, onların hər biri haqqında ciddi tədbir görmək günün vacib tələblərindən biridir.

Azərbaycan Respublikası Cinayət Prosessual məcəlləsinin 145.2-ci maddəsinə əsasən təhqiqatçı, müstəntiq, prokuror və hakim qanunu və vicdanın rəhbər tutaraq sübutların məcmusunun hərtərəfli, tam və obyektiv baxılmasına əsaslanmaqla öz daxili inamına görə sübutları qiymətləndirirlər.

Bundan əlavə bildirirəm ki, mən Lerik rayon polis şöbəsinin təhqiqatçısı mayor Nuriyev Teymur Ələskər oğlunun apardığı birtərəfli, yarıtmaz təhqiqatın nəticələrindən və bu oğurluğun sifarişli qaydada ört-basdır olunduğundan narazı qalaraq Lerik rayon məhkəməsinə şikayət edərək təhqiqatçının cinayət işinin başlanmasının ləğv edilməsi barədə 13.09.2019-cu il tarixli qərarının ləğv edilməsindən ötrü şikayət etmişdim.

Lerik rayon məhkəməsində mənim şikayətimə əsasən 18.04.2023-cü il tarixdə məhkəmə iclası keçirildi və mənim şikayətim qərəzli və ədalətsiz qərar verilməklə təmin edilmədi. Hakim Atabəy Kiçibəyov məhkəmə zalında qərarı elan edən zaman bildirdi ki, qərarı alandan 10 gün müddətinə Lerik rayon məhkəməsi vasitəsilə Apellyasiya şikayəti verilə bilər.

Mən hakimdən xahiş etdim ki, rayona hər an gedib gələ bilmədiyimə görə gözləyim bu gün qərarı mənə verin. Hakim mənə bildirdi ki, “narahat olmağa heç bir ehtiyac duyulmur, özümüz qərarı qısa müddətdə poçt vasitəsi ilə sənin ünvanına göndərəcəyik”.

Qeyd edim ki, 27.04.2023-cü il tarixdə qonşu Əliabad kənd poçt şöbəsindən mənə zəng edilərək bildirdilər ki, sənə Lerik rayon məhkəməsindən xəbərnaməli zərf göndəriblər. Mən həmin tarixdə dərhal poçta gedib məhkəmənin mənə göndərdiyi zərfi alaraq xəbərnamənin arxasında mənə aid olan hissəsinə elə 27.04.2023-cü il tarixi qeyd edərək imza etdim.

Mən məhkəmənin zərfini imza edib alan kimi qərarı oxuyub tanış oldum və hakimin qəbul etdiyi qərarın 4-cü səhifəsində “qərara aldım” hissəsində məhkəmə zalında qərarı alandan 10 gün müddətində Apellyasiya şikayəti verilməsini elan etməsinə baxmayaraq 3 (üç) gün müddət yazıb və məni aldadaraq müddət ötsün deyə Apellyasiya şikayəti verməyimin qarşısını alıb.

Bir daha qeyd edirəm ki, hakimin bu əsassız, çaşdırıcı, ədalətsiz və qərəzli hərəkətlərinə baxmayaraq mən onun göndərdiyi xəbərnaməli zərfi 27.04.2023-cü il tarixdə alan kimi müddət ötürmədən elə həmin gün Lerik rayon məhkəməsi vasitəsi ilə Apellyasiya şikayəti verdim (imza etdiyim sənədlər və qəbzlər buna sübutdur).

Hakim Atabəy Kiçibəyov mənim 27.04.2023-cü il tarixdə şəxsən imza edib aldığım və həmin gün müddət ötürmədən Apellyasiya şikayətimi 02.05.2023-cü il tarixli 6 (048)-01/2023 nömrəli qərarla heç bir əsas olmadan guya mən müddət ötürdüyüm üçün geri qaytarıb. Mən imza edib aldığım sənədlərə və qəbzlərə əsasən qanun çərçivəsində tam doğru və düzgün müraciətlər etmişəm və heç bir müddət ötürməmişəm. Hakim şəxsən özü haqlı vətəndaşa qarşı qanunların

aliliyinə hörmət etməyərək mənə süni maneələr yaratmaqla məşğuldur ki, mən gələcəkdə haqqımı tələb etməkdən məhrum olum.

Lerik rayon məhkəməsinin 02.05.2023-cü il tarixli qərarını mən 22.05.2023-cü il tarixdə məhkəmənin inzibati binasında şəxsən imza edib alan kimi rayon məhkəməsi vasitəsi ilə 23.05.2023-cü il tarixdə Apellyasiya Şikayəti vermişəm, lakin Atabəy Kiçibəyov şikayətimi qəsdən ört-bastır edib bu günə kimi Apellyasiyaya göndərmir.

Hörmətli Prezident!

Sizin rəhbərliyinizlə keçirdiyiniz müşavirələrdə dövlət məmurlarına və qulluqçularına dəfələrlə tapşırıq vermisiniz ki, vətəndaşları qəbul edərkən onları yüksək səviyyədə dinləyin və müraciətlərinə müsbət reaksiya verin ki, onlar inciməsinlər. Əfsuslar olsun ki, adları qeyd olunan məhkəmə hakimləri və polis işçiləri Sizin uğurlu siyasətinizə kölgə salmaqla mən şəhid qardaşına məxsus olan xeyir-şər evindən oğurluq edən xeyli sayda insanın polis, məhkəmə və aidiyyatı orqanlarda adları bəlli olan və bəzilərinin haqqında cinayət işi açılan şəxslər məlum səbəblərdən ədalətsiz və qanunlara zidd olan məhkəmə qərarı və hökümü ilə azadlıqda gəzirlər. Mənim haqlı müraciətlərim müəyyən bəhanələrlə və qərəzli şəkildə ört-basdır edilməklə çalışırlar ki, bu ciddi məsələ ört-basdır olunsun. Və elə də edirlər ki, müraciətlərimə baxıb müsbət cavab verən yoxdur.

Mən isə əlbəttə ki, müstəqil Azərbaycanımızın qanunlarına və Sizə arxayın olaraq çalışacağam ki, sona qədər haqqımı tələb edim. Ona görə də məcburiyyət qarşısında qalaraq qərara gəldim ki, mənə köməklik məqsədilə Sizə və aidiyyəti qurumların rəhbərlərinə təkrar olaraq rəsmi müraciət edim ki, adları “dövlət qulluqçuları” olan, əməlləri ilə həqiqəti əks etdirməyən həmin şəxslər haqqında ciddi tədbir görülsün.

Mən Şirvan Apellyasiya məhkəməsinin hakimi Elşad Əliyevin qanunsuz, ədalətsiz və sifarişli qaydada tələm-tələsik qəbul etdiyi hökmdən 20.06.2023-cü il tarixdə Ali Məhkəməyə kassasiya şikayəti vermişəm və ümüdvaram ki, Ali məhkəmənin sədri cənab İnam Kərimov mənim bu şikayət ərizəmi nəzarətdə saxlamaqla ədalətli məhkəmə prosesinin keçirilməsinə göstəriş verəcəkdir.

Hörmətli Prezidentim!

Sizdən xahiş edirəm ki, 0ərizədə qeyd etdiyim faktlara əsasən Ali məhkəmədə ədalətli və qərəzsiz qərar qəbul edilməsinə köməklik etməklə mənə süni manelər yaradan məhkəmə və bəzi orqan işçiləri haqqında ciddi tədbir görülməsinə göstəriş verəsiniz.

Öncədən Sizə öz Təşəkkürümü bildirirəm”.

Hazırladı: Jalı FAMİLQIZI

Redaksiyadan: Yazıda adları qeyd olunan şəxslərin və qurumların mövqeyini dərc etməyə hazırıq.