"Azərbaycan Milli Qəhrəmanı Əsgər Əliyev Lənkəran rayonu Ləj kəndi N.Aslanov adına tam orta məktəbdə məzunu olub. Amma hazırda bu məktəbdə nəinki hansısa tədbiri keçirmək, dərs keçirmək belə az qala imkansızdır. Təsəvvür edin, bu məktəbin tədbirlər keçirmək üçün Akt zalı yoxdur və tədbirlər foyedə və ya dəhlizdə keçirilir... Axı niyə?"

Sozcu.info xəbər verir ki, bu barədə sakinlər gileylərində bildirirlər.

Narazı sakinlər daha sonra qeyd edirlər: "İnformatika dərsləri keçirilir... amma informatika otağı yoxdur. Masaüstü kompüterlər xarab vəziyyətindədir Ən azı 40-a yaxın masaüstü yeni komputer verilməlidir, amma verilmir. Elektron lövhə də verilmir... niyə? Sual çıxır: informatika dərsləri nəyin əsasında keçirilməlidir?

Vətənpərvərlik ruhunu yüksəldilməsi üçün hərbiyə aid praktiki ləvazimat olmalıdır... canlı göstərilməsi üçün... Hərbiyə aid ləvazimat otağı olmalıdır, amma hərbi otağı yoxdur.

Fizika və Kimya fənnləri üzrə labaratoriya otağı yoxdursa, laborant nə işə baxır? Niyə Laboratoriya üçün praktiki vəsait ləvazimatı verilmir?

Məktəbdə uşaqların fiziki inkişafına və sağlam böyüməsi üçün birinci növbədə İdman zalı və idman alətləri olmalıdı. İdman alətləri quraşdırılsın. Bu məktəbin idman zalı yoxdur... qışda-yağışda uşaqlar nə etsinlər, idman zalı yoxdursa?

Məktəbin təhlükəsizlik baxımından hasar və qapısı standarlara cavab vermir. Yeni hasar tikilməlidir... Ümumiyyətlə, BURA MƏKTƏB DEMƏK OLARMI? İki partanı yanaşı qoymaqla buraya məktəb demək olmaz".

Dia-az.info