Hazırda neft qiymətlərində cüzi ucuzlaşma var, amma bu, kəskin ucuzlaşma deyil.
Bu sözləri Axar.az-a açıqlamasında iqtisadçı ekspert Natiq Cəfərli deyib.
O bildirib ki, kəskin ucuzlaşmadan neftin bir barrelinin 50 dollardan aşağı düşəcəyi halda danışıla bilər:
“Hazırda qiymətlər tez-tez dəyişir. Əksinə, ilin əvvəli ilə müqayisədə qiymət bahalaşıb. Yəni qiymət koridoru var, bu da hər zaman olan bir məsələdir. Hələ ki, Azərbaycan üçün kifayət qədər konfortlu bir qiymət koridorundadır”.