“Ukraynanın məqsədi ABŞ-dan 1 milyard dollar yardım almaqdır”. Sozcu.info xəbər verir ki, bu barədə ölkənin xarici işlər naziri Dmitri Kuleba deyib.
"ABŞ-ın 2022-ci il büdcə layihəsində Ukraynaya yardımın ümumi məbləği 756 milyon dollar nəzərdə tutulub. Bunun 400 milyon dolları təhlükəsizliyin gücləndirilməsi üçündür. Amma bizim 1 milyard dollar həcmində dəstək almaq məqsədimiz dəyişməz olaraq qalır . Əminik ki, ona doğru irəliləyirik", - Kuleba söyləyib.
O qeyd edib ki, Kiyev bütün səviyyələrdə Vaşinqtonla səmimi və birbaşa dialoq aparır. Onun sözlərinə görə, ABŞ Dövlət Departamenti, Pentaqon və ABŞ-ın Beynəlxalq İnkişaf Agentliyi vasitəsilə Amerika tərəfi Ukraynada əsas islahatlara dəstək üçün 460 milyon dollardan çox vəsait ayırıb.