Kreml yəqin ki, “Vaqner” xüsusi hərbi təşkilatının maliyyələşdirməsini dayandıracaq. Belarus hakimiyyəti isə yaraqlılara pul ödəməyi üzərinə götürə bilər.

Bu barədə Britaniya Müdafiə Nazirliyi kəşfiyyat məlumatlarına əsasən məlumat yayıb.

Britaniya kəşfiyyatı hesab edir ki, “Vaqner” ilk növbədə əməkhaqqı xərclərini azaltmaq üçün ixtisar və formatlaşdırma prosesinə doğru irəliləyir.

Məlumata görə, “Vaqner”çilərin uğursuz üsyanından sonra Rusiya rejimi ehtimal ki, təşkilatın lideri Yevgeni Priqojinin biznesinə qarşı hərəkət edib:

“Kremlin artıq təşkilatı maliyyələşdirməməsi ehtimalı realdır. Əgər Rusiya dövləti artıq “Vaqner”çilərə pul ödəmirsə, ikinci ehtimal ödəyici Belarus hakimiyyətidir”.