Ekspertin fikrincə, internetin inkişafı, Votsap, Viber, Tanqo, Teleqram və s. kimi proqramlar və kəşf ediləcək daha üstün əlavələr sonda mobil operatorları lazımsız xidmətə çevirə bilər: "Vaxtilə rəqəmsal kameralar lentlə işləyənləri sıradan çıxardı. Hazırda elektrik və digər maşınlar daxili yanma mühərriki ilə işləyən maşınları sıradan çıxarmağa hazırlaşır. "Elon Mask” yaxın dövrdə dünyanı internetlə tam təmin edəcək. Bunun üçün 110 peyk buraxacaq və ikisini ötən həftə artıq göndərib. Bu baxımdan, elə internet provayderlərini də çətin günlər gözləyir. Ona görə transmilli şirkətlər strategiyalarına dəyişiklik edirlər və dünyada baş verən proseslərə uyğunlaşmağa çalışırlar. Qısası, bütün bu texniki yeniliklər mobil operatorın gələcəyini çətinləşdirir”.