Moskvada səfərdə olan Azərbaycan xarici işlər naziri Ceyhun Bayramovla rusiyalı həmkarı Sergey Lavrov arasında ikitərəfli görüş başlayıb.

Sozcu.info xəbər verir ki, görüş Rusiya Xarici İşlər Nazirliyinin Qəbullar Evində keçirilir.

Qeyd edək ki, mayın 18-də xarici işlər naziri Ceyhun Bayramov Rusiya Federasiyasına işgüzar səfərə gedib. Səfər çərçivəsində Azərbaycan və Ermənistan arasında sülh sazişi layihəsi üzrə danışıqların növbəti raundu keçiriləcək.

Bundan əlavə, Azərbaycan, Rusiya və Ermənistan xarici işlər nazirləri Ceyhun Bayramov, Sergey Lavrov və Ararat Mirzoyanın da üçtərəfli görüşü nəzərdə tutulub.