Prezidentimiz azad edilmiş torpaqlarda Qarabağda bayram tonqalını əvvəlki illərdə də alovlandırmışdır.Dördüncü dəfədir ki, bayram tonqalını mən azad edilmiş Qarabağ  torpağında  qalayıram. 2021-ci ildə Şuşada, 2022-ci ildə Suqovuşanda, keçən il Talış kəndində,  bu dəfə isə Xankəndi şəhərində bayram tonqalı qalanır. ‘’Prezident İkinci Qarabağ müharibəsi zamanı və antiterror əməliyyatları zamanı şəhid olmuş  qəhrəmanlarımızı da  yad etmişdir. Biz  İkinci Qarabağ  müharibəsi  zamanı və  antiterror  əməliyyatı nəticəsində böyük qəhrəmanlıq göstərmişik. Allah bütün şəhidlərimizə rəhmət  eləsin. Şəhidlərimizin,  igid əsgər və zabitlərimizin fədakarlığı, peşəkarlığı, qəhrəmanlığı  nəticəsində bu gün biz bu torpaqlarda qururuq, yaradırıq, bu torpaqlara  həyat  qayıdır.
Ermənistanın  müharibədən  keçən  3 il ərzində  düzgün  nəticə  çıxarmamaları, öz qanunsuz silahlı qüvvələrini Qarabağda yerləşdirmək istəyi, qondarma Dağlıq Qarabağ  respublikasını yaratmaq istəmələri  antiterror  əməliyyatlarına  gətirib çıxardı. Altı ay bundan  əvvəl uğurla  keçirilmiş antiterror  əməliyyatı  beynəlxalq hüququn  təntənəsidir, Azərbaycan  xalqının  əyilməz  ruhunun  təntənəsidir.
Torpaqların azad edilməsi üçün  hərbi gücümüzün artırılması əsas vəzifəmiz  idi. Ordumuzun  bütün silahlı  Qüvvələrimizin  döyüş  qabiliyyəti  artırılmış, maddi-texniki bazası  ən yüksək səviyyədə həll edilmişdir.
Prezident çıxışında bildirdi ki, bu il Xankəndi, Xocalı,Şuşa və Cəbrayıl  ərazilərinə  keçmiş  köçkünlər qayıdacaqlar. Həmçinin Xankəndinin qədim tarixinə toxundu.Xankəndi qədim Azərbaycan torpağıdır Pənahəli  xan tərəfindən salınmışdır. Əfsuslar olsun ki, keçən əsrin 20-ci illərində əsassız, heç bir hüquqi siyasi əsas olmadan burada muxtar vilayət  yaradılmış  və ondan sonrada  xalqımızın  problemləri də başlamışdır.’’
Fevralın 26-da Xocalı soyıqırımının ildönümünə toxunan Prezident Xocalıda xocalılarla birlikdə memorial kompleksin əsasını qoymasına toxundu. Qanunsuz inşa edilmiş  tikililərin yerlə-yeksan edilməsini nəzərə çatdırmış, Xocalıda yerləşmiş, qanunsuz inşa edilmiş  parlamnet binası  fevralın 26-da sökülməyə başladı, separatçıların izi–tozu da  qalmadı. Nitqin sonunda  Prezident  bir daha bayram münasibətilə xalqımızı təbrik etdi. Azərbaycan xalqına  can sağlığı  yeni uğurlar  arzu etdi  Qarabağın Azərbaycanın ayrılmaz  hissəsi olmasını nəzərə çatdırdı. Mən bir daha əziz xalqımı qarşıdan gələn bayram münasibətilə ürəkdən təbrik etmək  istəyirəm, Azərbaycan xalqına  cansağlığı, yeni uğurlar  arzulayıram. Qarabağ  Azərbaycandır!
Gülbacı Salmanlı 
Suraxanı rayonu, 208 nömrəli tam orta məktəbin təlim tərbiyə işləri üzrə direktor müavini, biologiya müəllimi

Sozcu.info