Sozcu.info xəbər verir ki, Gürcüstan Fransanın "xarici agentlər" barəsində qanununu nümunə göstərərək, Qərbi ikili standartlarla fəaliyyət göstərməkdə ittiham edib. 
Gürcüstanın Baş naziri İrakli Kobaxidze deyib: "Bizə deyirlər ki, Fransada yaxşı olan Gürcüstanda pisdir... Bu necə olur?"
Söhbət iyunun 5-də Fransa parlamenti tərəfindən qəbul edilmiş və 2025-ci ildə qüvvəyə minəcək xarici müdaxiləyə nəzarət qanunundan gedir. Dövlətin qərarlarına müdaxilə gücü olan və lobbiçiliklə məşğul olan təşkilatlar Fransanın milli "təsir reyestri"ndə qeydiyyatdan keçməli olacaqlar.